Вы тут

Члены Савета Рэспублікі ўзялі ўдзел у сесіі Парламенцкага сходу Саюза Беларусі і Расіі


У сераду, 16 чэрвеня, у рэжыме відэаканферэнцыі адбылося пасяджэнне 60-й сесіі Парламенцкага сходу Саюза Беларусі і Расіі, у якім узялі ўдзел члены Савета Рэспублікі з саставу дэпутацыі Нацыянальнага сходу Рэспублікі Беларусь у Парламенцкім сходзе — Віктар Ананіч, Валерый Гайдукевіч, Ірына Ляўковіч, Міхаіл Русы, Віктар Чайчыц, Андрэй Шышкін і Анатоль Шчасны.


Як паведамілі ў прэс-службе верхняй палаты парламента, на парадку дня знаходзілася дзевяць пытанняў, ключавыя з якіх былі звязаныя з бюджэтным працэсам.

У прыватнасці, разгледжаны ход падрыхтоўкі праекта бюджэту Саюзнай дзяржавы на 2022 год, справаздача Савета Міністраў Саюзнай дзяржавы аб выкананні бюджэту Саюзнай дзяржавы за 2020 год.

Саюзныя парламентарыі разгледзелі таксама праект Дэкрэта Вышэйшага Дзяржаўнага Савета Саюзнай дзяржавы «Аб унясенні змяненняў і дапаўненняў у Дэкрэт Вышэйшага дзяржаўнага савета Саюзнай дзяржавы «Аб бюджэце Саюзнай дзяржавы на 2020 год».

Акрамя таго, дэпутаты падвялі вынікі леташняй дзейнасці Парламенцкага сходу, абмеркавалі магчымасць распаўсюджвання дзеяння полісаў абавязковага страхавання грамадзянскай адказнасці ўладальнікаў транспартных сродкаў, выдадзеных у Беларусі ці Расіі, на ўсю тэрыторыю Саюзнай дзяржавы.

У рамках пасяджэння таксама прайшла дыскусія аб магчымасці выкарыстання мадэльнай заканатворчасці ў Парламенцкім сходзе.

Вольга АНУФРЫЕВА

Прэв’ю — БелТА

Загаловак у газеце: Аўтастрахаванне, бюджэт і мадэльная заканатворчасць

Выбар рэдакцыі

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа... 

Калейдаскоп

Правілы чамадана. Парады па зборы ў адпачынак ад розных спецыялістаў

Правілы чамадана. Парады па зборы ў адпачынак ад розных спецыялістаў

 Куды б вы ні накіроўваліся, пытанне «Што пакласці ў чамадан, а што пакінуць дома?» цяпер актуальнае для многіх.

Культура

Рэктар БДУКМ Наталля Карчэўская: Мая работа — гэта творчасць кожны дзень!

Рэктар БДУКМ Наталля Карчэўская: Мая работа — гэта творчасць кожны дзень!

«Жанчыну, якая займаецца танцамі, відаць здалёк!»