Вы тут

Форум рэгіёнаў Беларусі і Расіі: Парламенцкае вымярэнне інтэграцыі


Форумы рэгіёнаў Беларусі і Расіі ўяўляюць з сябе эфектыўны сумесны праект Савета Рэспублікі Нацыянальнага сходу Беларусі і Савета Федэрацыі Расіі. Калі лаканічна, то можна сказаць, што гісторыя форумаў — гэта ў пэўным сэнсе і парламенцкая гісторыя поспеху. Бо такія штогадовыя сустрэчы партнёраў і перагаворы на практыцы пацвердзілі сваю запатрабаванасць рэгіёнамі абедзвюх краін і маюць устойлівую тэндэнцыю да далейшага развіцця.


Фота: БелТА

Ад харчавання да высокіх тэхналогій

Пачыналася ўсё са зразумелага і жыццёва важнага — забеспячэння харчовай бяспекі дзвюх дзяржаў. Зазірнём у пачатак чэрвеня 2014 года ў Мінск, дзе праходзіў першы Форум рэгіёнаў Беларусі і Расіі. Ён сабраў каля 300 удзельнікаў, якія засяродзіліся на абмеркаванні і пошуку шляхоў павышэння эфектыўнасці развіцця аграпрамысловых комплексаў.

Паколькі падобны форум праводзіўся ўпершыню, яго асноўнай мэтай у значнай ступені было максімальнае садзейнічанне ўстанаўленню новых сувязяў і пашырэнню ўжо існуючых прамых кантактаў паміж рэгіёнамі. І з гэтай задачай сенатары верхніх палат беларускага і расійскага парламентаў справіліся. Яны аказалі дапамогу, напрыклад, па лініі заканадаўчай і выканаўчай галін улады, у выпрацоўцы рэкамендацый па ўдасканаленні нарматыўна-прававой базы для паскарэння развіцця аграпрамысловага сектара Беларусі і Расіі ва ўмовах стварэння Еўразійскага эканамічнага саюза.

Удзельнікі форуму за два дні яго работы паспелі дамовіцца аб канкрэтных праектах, падпісалі шэраг дакументаў, якія датычыліся стымулявання беларуска-расійскага міжрэгіянальнага супрацоўніцтва. Таксама ўдалося абмеркаваць як праблемы, так і перспектывы ды магчымасці актывізацыі ўзаемадзеяння ў АПК.

Тады ўдзельнікі форуму аднадушна выказаліся за павелічэнне экспарту сельскагаспадарчай прадукцыі ў трэція краіны, вырашылі выпускаць больш экалагічна чыстай прадукцыі.

Другі Форум рэгіёнаў адбыўся ў Сочы ў верасні 2015 года і быў прысвечаны агульным падыходам і рэгіянальным аспектам рэалізацыі прамысловай палітыкі Саюзнай дзяржавы. Колькасць яго ўдзельнікаў у параўнанні з першым форумам павялічылася ўдвая. Прыехалі прадстаўнікі заканадаўчай і выканаўчай галін улады Беларусі і Расіі, рэгіёнаў краін, кіраўнікі буйных прадпрыемстваў і бізнес-супольнасцяў.

Знакавай падзеяй стала сумесная выстаўка прамысловай прадукцыі. Галоўнымі яе тэмамі былі імпартазамяшчэнне і беларуска-расійская прамысловая кааперацыя.

На ёй быў падпісаны пакет пагадненняў аб супрацоўніцтве паміж рэгіёнамі Беларусі і Расіі ў гандлёва-эканамічнай, навукова-тэхнічнай, культурнай і іншых сферах. Сярод падпісантаў, напрыклад, Рэспубліка Комі і Гродзенская вобласць, Іванаўская і Віцебская, Арэнбургская і Гомельская вобласці ды іншыя пары рэгіёнаў. А Беларусбанк і Расэксімбанк заключылі генеральнае пагадненне.

Праграма трэцяга форуму, які зноў прайшоў у Мінску, таксама была накіравана на садзейнічанне развіццю міжрэгіянальнага навуковага і навукова-тэхнічнага супрацоўніцтва.

Чацвёрты форум (у Маскве) прысвяцілі тэме інтэграцыйнага развіцця рэгіёнаў у сферы высокіх тэхналогій, інавацый і інфармацыйнага грамадства. У сямі секцыях ішла зацікаўленая размова аб стымуляванні канкурэнтаздольных высокатэхналагічных вытворчасцяў, сумеснай рабоце расійскіх і беларускіх ІT-кампаній на рынках Саюзнай дзяржавы і ў трэціх краінах. Тады прагучала думка аб неабходнасці больш рашучага пераходу ад рэгіянальных кантактаў да супрацоўніцтва гарадоў і раёнаў, дыверсіфікацыі ўзаемнага гандлю.

Праз прызму інтэграцыі

Пяты форум (у Магілёве) у кастрычніку 2018 года вызначыў прыярытэтныя напрамкі развіцця рэгіянальнага супрацоўніцтва як ключавога фактару інтэграцыі і саюзнага будаўніцтва. Секцыі прайшлі па пяці асноўных тэмах: аграрная палітыка, уніфікацыя і гарманізацыя заканадаўстваў, лічбавая эканоміка, маладзёжная палітыка, міжнародная дзейнасць і эканамічная бяспека.

Форум выклікаў цікавасць у кіраўнікоў суб'ектаў Расіі — адтуль прыехала больш чым 20 губернатараў: Маскоўскай, Бранскай, Самарскай, Арэнбургскай, Кіраўскай, Растоўскай, Варонежскай, Ліпецкай, Валагодскай, Смаленскай, Курскай абласцей, Рэспублікі Алтай, Ханты-Мансійскай аўтаномнай акругі, Карачаева-Чаркесіі і іншых. Заяўкі на ўдзел у форуме падалі таксама 17 кіраўнікоў прадстаўнічых органаў улады расійскіх рэгіёнаў.

Упершыню на форуме прайшоў Савет дзелавога супрацоўніцтва, дзе асноўныя кірункі ўзаемадзеяння і сумесныя праекты абмеркавалі кіраўнікі кампаній і прадпрыемстваў Беларусі і Расіі. У выніку было падпісана больш за 70 пагадненняў аб супрацоўніцтве на міжурадавым, абласным і раённым узроўнях. Агульная сума заключаных кантрактаў склала больш за 500 мільёнаў долараў.

Нагадаем, на той час з пачатку правядзення форумаў было заключана камерцыйных кантрактаў і пагадненняў на 930 мільёнаў долараў. Напрыклад, па выніках ІІІ Форуму рэгіёнаў Беларусі і Расіі такіх дакументаў падпісалі на 300 мільёнаў долараў, а па выніках ІV Форуму — звыш 400 мільёнаў долараў. І далей па ўзрастаючай.

Не аб адным хлебе

VІ Форум прымаў Санкт-Пецярбург. Зразумела, былі падпісаны ўзаемавыгадныя пагадненні аб супрацоўніцтве паміж рэгіёнамі, камерцыйныя кантракты, іншыя дакументы аб партнёрстве. Але на гэтым форуме прапанавалі паглядзець на міжрэгіянальныя сувязі як на інструмент фарміравання адзінай культурнай і гуманітарнай прасторы народаў Беларусі і Расіі.

Разгарнулася дыскусія вакол рэалізацыі сумесных маладзёжных праектаў, аб шляхах узаемадзеяння рэгіёнаў у стварэнні агульнай інфармацыйнай прасторы ў мэтах развіцця культурных і гуманітарных сувязяў Саюзнай дзяржавы. А ў паскораным ажыццяўленні культурна-гуманітарных праектаў убачылі важны прыярытэт для збліжэння народаў Беларусі і Расіі. Турызм сталі разглядаць як драйвер эканамічнага росту і культурнага развіцця рэгіёнаў.

Леташні VІІ Форум у Мінску і Мінскай вобласці займае асаблівае месца ў практыцы іх правядзення. Тэма Вялікай Перамогі, яе гістарычная спадчына як аснова развіцця сацыяльна-эканамічных і духоўных сувязяў народаў Беларусі і Расіі, вядома, былі абраны невыпадкова. Гістарычная памяць аб гераічнай перамозе савецкага народа мае выключнае значэнне для фарміравання і ўмацавання грамадзянскай самасвядомасці (грамадзянскай ідэнтычнасці) народаў Беларусі і Расіі, паступальнага сацыяльнага і эканамічнага развіцця Саюзнай дзяржавы, а таксама ў барацьбе са спробамі фальсіфікацыі асобнымі замежнымі аналітыкамі прычын і наступстваў Другой сусветнай вайны, перагляду яе вынікаў і прыніжэння выключнай ролі СССР у разгроме нацысцкай Германіі.

З гэтай нагоды ўдзельнікі форуму выказалі шэраг слушных рэкамендацый, у прыватнасці па процідзеянні гераізацыі нацызму, выхаванні ў моладзі патрыятызму і грамадзянскай адказнасці, павагі да гістарычнай спадчыны і подзвігу савецкіх людзей.

Мікалай ЛЮБЧАНСКІ

Загаловак у газеце: Парламенцкае вымярэнне інтэграцыі

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.