Вы тут

У Чавускім раёне пройдзе абласны этап праекта «Уладар сяла»


За перамогу будуць змагацца 12 сямей, якія перамаглі на раённых этапах, паведамілі ў Магілёўскім абкаме БРСМ.


Сем’і чакаюць выпрабаванні ў сямі конкурсах, падчас якіх трэба будзе прэзентаваць свае сямейныя традыцыі і захапленні, прадэманстраваць здольнасці ў запраганні-распраганні каня з калёсамі, распілоўцы дроў, дастаўцы вады ў вёдрах на каромысле, фігурным ваджэнні жонкі на тачцы, спавіванні дзіця бацькам і іншых. Спаборніцтвы адбудуцца ў прыгожым аграгарадку з цудоўнымі славянскімі традыцыямі Радамля. 

— У праекце прымае ўдзел чатыры шматдзетныя сям’і, якія выхоўваюць 4-5 дзяцей, — адзначыла другі сакратар Магілёўскага абкама БРСМ Ганна Дашкевіч.

— Усе сем’і жывуць у сельскай мясцовасці, працуюць у розных сферах дзейнасці. Конкурс накіраваны на замацаванне маладых сямей на сяле, бо нават па ўмовах конкурсу сям’я-ўдзельніца павінна пражываць у сельскай мясцовасці не меней трох гадоў. Мы папулярызуем гаспадарчы побыт і падымаем прэстыж сельскай працы, каб усе бачылі, што гэта вельмі складаная і адказная дзейнасць, ад яе залежыць у тым ліку і харчовая бяспека краіны. Ну і садзейнічаем таму, каб умацоўваўся інстытут шматдзетнай традыцыйнай беларускай сям’і.

Па выніках усіх выпрабаванняў вызначыцца сям’я-пераможца, якая прадставіць Магілёўскую вобласць на рэспубліканскім этапе сямейнага сельскагаспадарчага праекта «Уладар сяла» ў аграгарадку Александрыя на рэспубліканскім свяце «Купалле» («Александрыя збірае сяброў») 10 ліпеня.

Нэлі ЗІГУЛЯ

Фота з сайта dribin.by

Выбар рэдакцыі

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.

Эканоміка

«Прадам утульную кватэру, а куплю яшчэ лепшую». А пра падаткі вы не забыліся?

«Прадам утульную кватэру, а куплю яшчэ лепшую». А пра падаткі вы не забыліся?

Адна мая добрая знаёмая вырашыла палепшыць свае жыллёвыя ўмовы — прадаць сваю двухпакаёвую кватэру і купіць трохпакаёвую.

Калейдаскоп

Усходні гараскоп на наступны тыдзень

Усходні гараскоп на наступны тыдзень

БЛІЗНЯТЫ. Калі ёсць цікавыя ідэі, то менавіта цяпер яны будуць запатрабаваныя і нарэшце ажыццёвяцца. Тыдзень прынясе знаёмствы з новымі людзьмі, спатканні, вандроўкі і шмат яркіх уражанняў. Асабістае жыццё рэзка зменіцца, прычым менавіта так, як вы марылі. Вы больш не будзеце самотныя, сітуацыя вырашыцца на вашу карысць.

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.