Урач агульнай практыкі Аксана Быліцкая ўжо пятнаццаць гадоў узначальвае Чырвонабярэжскую сельскую ўчастковую бальніцу — пасля заканчэння Мінскага медыцынскага ўніверсітэта і ардынатуры яе адразу прызначылі на гэтую адказную пасаду, і невыпадкова: медыцынскае падраздзяленне Жлобінскай цэнтральнай раённай бальніцы на працягу апошніх гадоў лічыцца адным з паспяховых.
У структуры бальніцы дзейнічае і амбулаторыя, якая абслугоўвае сямнаццаць населеных пунктаў, а гэта болей за тры тысячы чалавек. У падпарадкаванні загадчыцы Быліцкай працуе 27 чалавек медперсаналу — усе яны людзі адданыя абранай прафесіі і, галоўнае, з вялікім працоўным вопытам. У гэтыя дні чырвонабярэжскія медыкі займаюцца вакцынацыяй сваіх землякоў.
На фота (злева направа): Аксана Быліцкая, загадчыца здраўпункта чырвонабярэжскага каледжа Зінаіда Фралянкова, медыцынскія сёстры Ларыса Кастэнка, Вольга Цельбукова.
Анатоль КЛЯШЧУК
Фота аўтара
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».