Для набыцця лекаў жыхарка Ліды прадставіла ў аптэку Навагрудка два рэцэпты. Але фармацэўт засумнявалася ў іх сапраўднасці і паведаміла аб гэтым у Навагрудскі РАУС. Як расказала афіцыйны прадстаўнік Упраўлення дзяржаўнага камітэта судовых экспертыз па Гродзенскай вобласці Алена Місюкевіч, аператыўнікі прыбылі на месца і канфіскавалі дакументы. Навагрудскім міжраённым аддзелам ДКСЭ была праведзена судовая почыркаведчая экспертыза.
Са слоў жанчыны 1979 года нараджэння, яна набыла два бланкі медыцынскіх рэцэптаў у невядомай асобы. І там, маўляў, ужо стаяў вугловы штамп ўстановы аховы здароўя Ліды і асабісты подпіс урача. Астатнія рэквізіты і правілы запаўнення рэцэптурных бланкаў яна знайшла ў інтэрнэце і ўнесла неабходны тэкст. Затым вырашыла скарыстацца імі для набыцця лекаў у адной з аптэк Навагрудка.
Экспертыза ўстанавіла, што рукапісныя запісы на бланках рэцэптаў зроблены рукой самой жанчыны. Таксама ўстаноўлена, што на рэцэптах указаны выдуманыя данныя ўрача.
У сувязі з гэтым фактам Навагрудскім РАСК узбуджана крымінальная справа.
Маргарыта УШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».