У Беларусі праходзіць другі дзень ЦТ па рускай мове

У Беларусі праходзіць другі дзень цэнтралізаванага тэсціравання па рускай мове, паведамляе БелТА.

Традыцыйна выпрабаванне пачынаецца ў 11:00. Усяго на ЦТ па рускай мове ў гэтым годзе зарэгістравана больш за 50,8 тыс. абітурыентаў. З зарэгістраваных у першы дзень праходжання выпрабаванні не з’явіліся 1159 абітурыентаў.

Абітурыентам забаронена праносіць з сабой мабільны тэлефон і іншыя гаджэты. Пра гэта ім пастаянна нагадваюць перад уваходам у аўдыторыю. Парушальнікі выдаляюцца і не будуць мець магчымасці прайсці ЦТ па прадмеце ў гэтым годзе. Як паведамлялася, за мабільны тэлефон з ЦТ па беларускай мове і ў першы дзень здачы іспыту па рускай мове выдаленыя па адным абітурыенце, яшчэ адзін выдалены за працу з тэстам па заканчэнні часу.

У пунктах правядзення ЦТ прадугледжаны сродкі для дэзінфекцыі рук, рассаджваць у аўдыторыях будуць з захаваннем патрабаванняў сацыяльнага дыстанцыявання. У пункце цэнтралізаванага тэсціравання дазваляецца выкарыстоўваць маскі. Пры гэтым на этапе ідэнтыфікацыі асобы маску спатрэбіцца зняць.

Іспыт па рускай мове чакае абітурыентаў — 18 і 19 чэрвеня, ЦТ па грамадазнаўстве адбудзецца 21 чэрвеня, матэматыцы — 23 і 24 чэрвеня, біялогіі — 26 чэрвеня. ЦТ па замежнай мове можна будзе здаць 28 чэрвеня, хіміі — 30 чэрвеня, фізіцы — 2 ліпеня, гісторыі Беларусі — 4 ліпеня, геаграфіі — 6 ліпеня, сусветнай гісторыі (найноўшы час) — 8 ліпеня.

Даты рэзервовых дзён — 14 і 16 ліпеня (беларуская і руская мовы), 14 і 18 ліпеня — грамадазнаўства, матэматыка, біялогія, замежная мова, хімія, фізіка, гісторыя Беларусі, геаграфія, сусветная гісторыя (найноўшы час). Тэрміны рэгістрацыі абітурыентаў для праходжання ЦТ у рэзервовыя дні — з 2 па 9 ліпеня.

Прэв’ю: БелТА