Напярэдадні 80-годдзя пачатку Вялікай Айчыннай вайны больш за 250 беларускіх і замежных студэнтаў Мінскага дзяржаўнага лінгвістычнага універсітэта, выкладчыкі і прадстаўнікі рэктарата з удзелам рэктара універсітэта наведалі мемарыяльны комплекс "Брэсцкая крэпасць-герой", паведамляе БелТА.
Як адзначыла рэктар МДЛУ Наталля Лапцева, вельмі важна з дапамогай такіх візітаў, аддаючы даніну памяці і павагі героям, "захоўваць нашу сучаснасць і абараняць нашу будучыню".
У галоўнага манумента "Мужнасць" удзельнікі паездкі ўшанавалі памяць герояў ускладаннем кветак і хвілінай маўчання.
Асаблівыя ўражанні ў студэнтаў пакінуў Музей абароны Брэсцкай крэпасці. А знаходзячыся каля скульптурнай кампазіцыі "Смага", чытаючы на сценах цытадэлі надпісы, зробленыя яе героямі ў апошнія хвіліны жыцця, удзельнікі амаль выразна адчулі атмасферу суровых дзён чэрвеня 1941 гада, усвядомілі бязмежную мужнасць абаронцаў Радзімы, іх адвагу і гераізм.
З эсэ студэнткі 1-га курса МДЛУ Дар'і Мазгавой:
"Мы ўжо пачынаем забываць, чаму сёння мы так бесклапотна жывём. Чым далей, тым менш мы помнiм. Таму мы павiнны расказваць нашым нашчадкам гiсторыю, каб яны таксама ведалi цану мiрнага жыцця i гiсторыю сваiх продкаў ".
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
