Вы тут

Гомельшчына далучылася да правядзення мерапрыемстваў, прымеркаваных да Дня ўсенароднай памяці ахвяр Вялікай Айчыннай вайны


Так, сотні гамяльчан сталі ўдзельнікамі мітынгу-рэквіему які прайшоў ля Вечнага агню.


Фота Ганны ПАШЧАНКА.

Даніну павагі тым, хто загінуў за свабоду і незалежнасць нашай краіны, аддалі прадстаўнікі ўлады вобласці і горада, дэпутаты, ветэраны вайны і працы, работнікі працоўных калектываў, лідары грамадскіх арганізацый, моладзь, вайскоўцы. Удзельнікаў мітынгу прывітаў старшыня Гомельскага аблвыканкама Генадзь Салавей. Ён адзначыў, што вайна забрала мільёны жыццяў, але і паказала прыклад гераізму і ўсёпаглынальнага патрыятызму. Ваявала ўся вялікая краіна — ад сыноў палка і піянераў-герояў да старых, здольных трымаць у руках зброю. Такога размаху партызанскага і падпольнага руху не ведала ні адна краіна ў свеце. Генадзь Салавей заклікаў:

— Ніколі не забывайце, якой неймавернай цаной дасталася наша свабода. Слава салдатам Перамогі, нізкі паклон працаўнікам тылу!

Удзельнікі мітынгу ўшанавалі памяць загінулых хвілінай маўчання.

Між тым на досвітку ў памяць ахвяр вайны ў неба над Гомелем падняліся шары-галубы. Гэта маладзёжная ініцыятыва — акцыя «Ніхто не забыты. Нішто не забыта», прымеркаваная да 80-й гадавіны пачатку Вялікай Айчыннай вайны. Рана раніцай удзельнікі акцыі сабраліся ў Гомелі каля мемарыяла героям-апалчэнцам па вуліцы Баўмана. У знак ушанавання памяці герояў на набярэжнай Сожа у неба адпусцілі белыя шары-галубы. Гэта сімвал таго, што людзі памятаюць аб вялікім подзвігу старэйшага пакалення і шчыра ўдзячныя за мір, свабоду і незалежнасць, адзначылі арганізатары. Дарэчы, гэта акцыя, нягледзячы на ранні час правядзення, атрымала вельмі шырокі грамадскі водгук сярод жыхароў абласнога цэнтра.

Наталля КАПРЫЛЕНКА

Выбар рэдакцыі

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...

Здароўе

Каварны і смяротны вірус: гепатыт варта трымаць пад кантролем

Каварны і смяротны вірус: гепатыт варта трымаць пад кантролем

Ад захворванняў, звязаных з гепатытам, у свеце кожныя 30 секундаў памірае адзін чалавек.