Вы тут

Лукашэнка: ля сцен Брэсцкай крэпасці ў першыя гадзіны вайны сарваўся нацысцкі бліцкрыг


Ля сцен Брэсцкай крэпасці літаральна ў першыя гадзіны Вялікай Айчыннай вайны сарваўся нацысцкі бліцкрыг. Аб гэтым Прэзідэнт Беларусі Аляксандр Лукашэнка заявіў на цырымоніі ўскладання вянкоў у Брэсцкай крэпасці, прымеркаванай да 80-годдзя з дня пачатку Вялікай Айчыннай вайны, перадае карэспандэнт БЕЛТА.


"Сябры і непрыяцелі СССР да пачатку ліпеня меркавалі, колькі яшчэ краіна пратрымаецца - два тыдні, тры, можа, месяц? А берлінскія стратэгі ўжо запланавалі фашысцкі парад на Краснай плошчы ў Маскве. Але тут, ля сцен беларускай брэсцкай цытадэлі, літаральна ў першыя гадзіны вайны нацысцкі бліцкрыг сарваўся. Запомніце на ўсялякі выпадак гэта слова "бліцкрыг". Сарваўся, калі ў апошнія хвіліны свайго кароткага жыцця воін напісаў на сцяне: "Я паміраю, але не здаюся! Бывай, Радзіма!" - падкрэсліў Аляксандр Лукашэнка.

Сёння, на жаль, невядомы імёны многіх абаронцаў Брэсцкай крэпасці і мы не ведаем, як яны загінулі, дзе пахаваны, дадаў Прэзідэнт.

Ён са шкадаваннем адзначыў, што літаральна некалькі тыдняў таму пайшоў з жыцця апошні сведка тых падзей Пётр Кацельнікаў. "Але ў памяці народа яго імя будзе жыць заўсёды, як і імёны яго баявых таварышаў лейтэнанта Кіжаватава, капітана Зубачова, маёра Гаўрылава і тысяч іншых савецкіх герояў, - упэўнены беларускі лідар. - Гэта яны не дазволілі фашыстам узяць крэпасць над Бугам за восем гадзін. Праз тры тыдні баі пачаліся ўжо на далёкіх подступах да Смаленска, а Брэсцкая крэпасць прадаўжала змагацца".

Памяць герояў вайны ўдзельнікі цырымоніі ўшанавалі мінутай маўчання.

Выбар рэдакцыі

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент

Грамадства

Ча­му зні­кае ва­да з кра­наў

Ча­му зні­кае ва­да з кра­наў

Спё­ка — час для эка­но­міі ці па­лі­ву ага­ро­даў?

Грамадства

Водар лаванды вабіць на Веткаўшчыну

Водар лаванды вабіць на Веткаўшчыну

Як выглядае «беларускі Праванс», дакладна ведаюць жыхары глыбінкі Гомельскай вобласці.