Вы тут

Дэпутаты ўшанавалі памяць загінулых у гады вайны народных абраннікаў


У фае Авальнай залы Дома ўрада ўчора адбылася ўрачыстая цырымонія адкрыцця новых мемарыяльных дошак і мітынг-рэквіем у памяць аб дэпутатах Вярхоўнага Савета БССР першага склікання, якія загінулі і прапалі без вестак у гады Вялікай Айчыннай вайны.


Фота: БелТА

Цырымонію адкрыцця распачаў старшыня Палаты прадстаўнікоў Уладзімір Андрэйчанка, які адзначыў, што сярод тых, хто загінуў смерцю храбрых на вайне, былі і дэпутаты Вярхоўнага Савета БССР першага склікання — нашы першыя беларускія парламентарыі.

Уладзімір Андрэйчанка нагадаў, што першае скліканне працавала дзевяць гадоў — з 1938 да 1947 года. Выбары праводзіліся двойчы: 26 чэрвеня 1938 года абралі 273 дэпутатаў, а 24 сакавіка 1940 года, пасля ўз'яднання Заходняй Беларусі з БССР — яшчэ 202 дэпутатаў. Вярхоўны савет БССР першага склікання ўзначальвала Надзея Грэкава. Яна была першай і адзінай жанчынай-старшынёй Вярхоўнага Савета БССР. Цяпер у яе гонар у Мінску ў мікрараёне Серабранка названы сквер.

У ваенныя гады дэпутаты Вярхоўнага Савета БССР першага склікання гераічна змагаліся на франтах, былі актыўнымі ўдзельнікамі партызанскага руху і падполля, працавалі ў тыле. Многія з іх загінулі. Да нядаўняга часу захоўвалася памяць аб 26 дэпутатах Вярхоўнага Савета БССР, якія загінулі ў гады Вялікай Айчыннай вайны.

— Напярэдадні 80-годдзя пачатку вайны была праведзена маштабная пошукавая праца, якая атрымала шырокую грамадскую падтрымку, у тым ліку з боку моладзі. У выніку нам удалося даведацца імёны і лёсы яшчэ 68 дэпутатаў, якія загінулі і прапалі без вестак у тыя вогненныя гады. І сёння, у Дзень усенароднай памяці ахвяр Вялікай Айчыннай вайны, мы адкрываем імёны 94 дэпутатаў, якія загінулі або прапалі без вестак, змагаючыся за свабоду і незалежнасць нашай Радзімы, за перамогу над нацызмам, — адзначыў Уладзімір Андрэйчанка.

Таксама ў парламенце прэзентавалі кнігу «Яны былі першымі», якая расказвае пра загінулых і прапаўшых без вестак у гады Вялікай Айчыннай дэпутатаў. Знайсці ў ёй можна і ўнікальныя архіўныя дакументы, прысвечаныя, напрыклад, адкрыццю першай сесіі Вярхоўнага Савета БССР.

— Праведзена вялікая навукова-даследчая работа з Нацыянальным архівам Беларусі, музеем Вялікай Айчыннай вайны, іншымі архівамі. Гэтыя людзі прадэманстравалі, што для іх гонар і годнасць былі не пустымі словамі. Іх памяці і подзвігу прысвечана гэта кніга, — адзначыў старшыня Пастаяннай камісіі Палаты прадстаўнікоў па адукацыі, культуры і навуцы Ігар Марзалюк.

Алена КРАВЕЦ

Загаловак у газеце: Іх было 94

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Грамадства

Як партызаны за адну ноч знішчылі нямецкі гарнізон

Як партызаны за адну ноч знішчылі нямецкі гарнізон

22 чэрвеня 1943 года партызаны атрада «Бальшавік» здзейснілі нападзенне на фашысцкі гарнізон у былым саўгасе «Косіна».

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.