Аб гэтым падчас lX Маскоўскай канферэнцыі па міжнароднай бяспецы заявіў міністр абароны Беларусі генерал-лейтэнант Віктар ХРЭНІН. Выступаючы з дакладам падчас пленарнага пасяджэння, кіраўнік абароннага ведамства нашай краіны прадставіў погляды Беларусі на глабальныя пагрозы бяспецы ў сучасным свеце.
— Сёння ідзе глабальная проксі-вайна за будучую мадэль светаўладкавання паміж транснацыянальнымі і нацыянальнымі элітамі, — адзначыў Віктар Хрэнін. — Мэта першых — звергнуць нацыянальныя ўрады, сцерці дзяржаўныя граніцы паміж краінамі. Найлепшым сродкам для гэтага, на іх думку, з'яўляецца «стратэгія кіруемага хаосу». Менавіта ў яе межах прымяняюцца сучасныя канцэпцыі «каляровых рэвалюцый» і «гібрыдных войнаў». На стварэнне кіруемага хаосу «працуе» і ўсепланетная пандэмія каранавіруса. Ствараюцца ўмовы, каб у рукатворным хаосе разбурыць дзяржавы і захапіць іх нацыянальныя багацці.
Як падкрэсліў міністр абароны, беларускі народ таксама быў уцягнуты ў гэты «глабальны хаос», не разумеючы яго сапраўдных мэт і прызначэння. «З вялікай верагоднасцю можна прагназаваць абвастрэнне барацьбы ў посткаранавірусны перыяд, — лічыць генерал-лейтэнант. — «Ламаць» незалежныя дзяржавы працягваюць усімі магчымымі спосабамі. Супраць Беларусі выкарыстоўваецца інструментарый гібрыднай вайны. Галоўны ўдар прыходзіцца па эканоміцы і ўсім, што прыносіць грошы. Бітва ідзе за кантроль над фінансавымі патокамі. Эканамічныя санкцыі, пратэкцыянісцкія меры, нядобрасумленная канкурэнцыя — не грэбуюць нічым. Напрыклад, нядаўні выпадак з самалётам ірландскай кампаніі Ryanaіr: яго выкарысталі для зніжэння транзітнага патэнцыялу Беларусі, знішчэння беларускага авіяперавозчыка і сістэмы паветранай навігацыі».
Кіраўнік абароннага ведамства сфармуляваў беларускі погляд у адносінах да супрацьдзеяння негатыўным працэсам, адзначыўшы, што пазіцыя Беларусі ў гэтым пытанні нязменная.
Акрамя таго, у межах канферэнцыі запланаваны двухбаковыя сустрэчы міністра абароны з кіраўнікамі абаронных ведамстваў іншых дзяржаў, у ходзе якіх будуць абмеркаваны актуальныя пытанні двухбаковага і шматбаковага супрацоўніцтва ў ваеннай сферы. У форуме ўдзельнічаюць дэлегацыі ваенных ведамстваў са 109 дзяржаў, а таксама прадстаўнікі такіх міжнародных арганізацый, як СНД, АДКБ, ААН, АБСЕ, Міжнароднага камітэта Чырвонага Крыжа, Лігі арабскіх дзяржаў.
А тым часам у Мінску адкрылася 10-я Міжнародная выстаўка ўзбраення і ваеннай тэхнікі «MІLEX-2021», якая па сваім маштабе, складзе і ўзроўні ўдзельнікаў, інфраструктуры з'яўляецца адной з найбольш буйных ва ўсходнееўрапейскім рэгіёне. На выстаўцы дэманструецца звыш 300 узораў найноўшых відаў узбраенняў, ваеннай і спецыялізаванай тэхнікі ад Беларусі, 177 з іх прадстаўлены ўпершыню.
— MІLEX — гэта добра пазнавальны брэнд, які ўвасабляе інавацыйнасць і якасць беларускага абаронна-прамысловага комплексу, — заявіў на адкрыцці выстаўкі прэм'ер-міністр Беларусі Раман ГАЛОЎЧАНКА. — Нягледзячы на ўсе цяжкасці, арганізатары прыклалі ўсе намаганні, каб у чарговы раз сабраць у Мінску гэтае істотнае для нашай краіны і рэгіёна мерапрыемства, на якім збіраюцца сябры, партнёры, калегі. Тыя людзі, якія працуюць над вельмі важнай і патрэбнай справай — стварэннем, вытворчасцю сучасных узораў узбраення, ваеннай тэхнікі, якія стаяць на варце абароны і бяспекі не толькі нашай краіны, нашага стратэгічнага партнёра і саюзніка Расійскай Федэрацыі, а і цэлага шэрагу дзяржаў ва ўсіх рэгіёнах свету.
Вераніка КАНЮТА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.