Выканаўчы камітэт Нацыянальнага алімпійскага камітэта Рэспублікі Беларусь зацвердзіў склад спартыўнай дэлегацыі на гульні ХХХІІ Алімпіяды ў Токіа, паведалі ў прэс-службе НАК Беларусі.
На сёння кваліфікацыйныя нарматывы для ўдзелу ў галоўных стартах выканалі 96 беларускіх спартсменаў у 21 відзе спорту. У некаторых відах алімпійская кваліфікацыя яшчэ не скончылася. У сувязі з гэтым беларусы могуць прэтэндаваць на пуцёўкі ў Токіа ў пляжным валейболе, лёгкай атлетыцы, скачках у ваду. Канчатковая колькасць ліцэнзій на Алімпійскія гульні будзе вядома 30 чэрвеня 2021 года. Папярэдні спіс беларускіх спартсменаў, якія атрымалі права выступіць у японскай сталіцы, прадстаўлены на афіцыйным сайце НАК Беларусі.
Шэфам місіі беларускай каманды на Алімпійскія гульні ў Токіа зацверджаны віцэ-прэзідэнт НАК Беларусі Дзмітрый Даўгалёнак. Ён жа стане і шэфам місіі на зімовых Алімпійскіх гульнях 2022 года ў Пекіне.
Валерыя СЦЯЦКО
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
