Старшыня Гродзенскага аблвыканкама Уладзімір Каранік на нарадзе з удзелам кіраўніка дзяржавы назваў галоўныя пункты эканамічнага росту рэгіёну на перспектыву, перадае БелТА.
Ён адзначыў, што Гродзенскую вобласць прынята лічыць сельскагаспадарчым рэгіёнам, таму што гэтая галіна добра развітая. Хоць у агульным аб’ёме валавога рэгіянальнага прадукту яе доля не перавышае 13-14%. Але калі ўлічыць прадукцыю сельгасперапрацоўкі, то гэтая доля павялічваецца да 36-39% ВРП.
«Больш за 200 прампрадпрыемстваў ствараюць нядрэнны прамысловы патэнцыял і ўносяць асноўны ўклад у ВРП», — сказаў губернатар. Паводле яго слоў, уклад сферы паслуг і турызму ў ВРП пакуль недастатковы.
Уладзімір Каранік падкрэсліў, што па выніках 2020 года вобласці не дапусцілі падзення эканомікі ў параўнанні з 2019-м — 100,1% ВРП. «У 2021-м — задача выйсці на траекторыю ўстойлівага росту. Па першаму кварталу рост быў каля 3,5%, па пяці месяцах — 5,5%. Рост паскараецца. Але ў гэтым плане не трэба мець ілюзій, мы разумеем, што вялікі ўклад уносіць і беларускі атамны праект і рост розных напрамкаў прамысловасці», — растлумачыў губернатар.
Паводле яго слоў, у гэтым годзе захоўваецца тэндэнцыя росту аб’ёмаў вытворчасці прадукцыі сельскай гаспадаркі, нават на фоне высокіх паказчыкаў мінулага года. «Тут асноўная задача — не страціць дынаміку і забяспечыць далейшае развіццё вобласці», — адзначыў Уладзімір Каранік.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
