Вы тут

Чарговы Форум рэгіёнаў Беларусі і Расіі цалкам пройдзе ў лічбавай прасторы


Таму спрыяе і абраная тэма — «Навукова-тэхнічнае супрацоўніцтва Расіі і Беларусі ў эпоху лічбавізацыі». Нагадаем, што VIII па ліку Форум рэгіёнаў адбудзецца з 29 чэрвеня па 1 ліпеня. Першапачаткова планавалася яго правядзенне ў двух фарматах: анлай і афлайн, то-бок работа секцый, што пройдуць у першы дзень работы Форуму, — у фармаце відэаканферэнцыі, а пленарнае пасяджэнне, савет дзелавога супрацоўніцтва павінны былі прайсці ў сталіцы Расіі. Аднак эпідэміялагічнае становішча крыху адкарэктавала гэтыя планы.


 

Між іншым вопыт дыстанцыйных стасункаў у бакоў ужо існуе — леташні Форум ужо праводзіўся ў такім фармаце. І гэта не надта адбілася на яго выніках: усё з запланаванага ўдалося рэалізаваць, у тым ліку і дзелавую частку з падпісаннем адпаведных кантрактаў.

Калі больш уважліва прааналізаваць праграму мерапрыемства з улікам новых фактараў і рэалій, прыходзіш да высновы, што сёлетні фармат — самы аптымальны. Тэматычныя секцыі збяруць у Мінску і Маскве 29 чэрвеня беларускіх і расійскіх парламентарыяў. У 10 гадзін распачнуць работу секцыі «Кірункі развіцця расійска-беларускага супрацоўніцтва ў сферы навукі і адукацыі ў эпоху «вялікіх выклікаў» і лічбавых тэхналогій (мадэратары — старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч і старшыня Камітэта Савета Федэрацыі на навуцы, адукацыі і культуры Лілія Гумерава) і «Роля лічбавізацыі ў фарміраванні адзінай навукова-тэхналагічнай прасторы Саюзнай дзяржавы» (мадэратары — старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец і намеснік старшыні Камітэта Савета Федэрацыі па эканамічнай палітыцы Іван Абрамаў).

На 14 гадзін запланаваны секцыі «Удасканаленне ўзаемадзеяння Расіі і Беларусі па пытаннях рэалізацыі саюзных праграм і навукова-тэхнічных праектаў ў рамках міжнародных дамоў» (мадэратарамі выступяць старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў і старшыня Камітэта Савета Федэрацыі па міжнародных справах Рыгор Карасін), «Права і лічбавізацыя ў Саюзнай дзяржаве: перспектывы і кірункі (мадэратары — старшыня Савета Рэспублікі па заканадаўстве і дзяржаўным будаўніцтве Сяргей Сівец і старшыня Камітэта Савета Федэрацыі па канстытуцыйным заканадаўстве і дзяржаўным будаўніцтве Уладзімір Палетаеў). Таксама на гэты час запланавана правядзенне тэматычнай секцыі «Моладзь анлайн: лічбавы асяродак будучага», якую правядуць намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Андрэй Іванец і першы намеснік старшыні Камітэта Савета Федэрацыі па сацыяльнай палітыцы Аляксандр Варфаламееў.

У гэты ж дзень, 29 чэрвеня, запланавана правядзенне яшчэ дзвюх анлайн-сустрэч: з ранку — сумеснага пасяджэння кіруючых органаў Палаты маладых заканадаўцаў пры Савеце Федэрацыі і Маладзёжнага савета (парламента) пры Нацыянальным сходзе Рэспублікі Беларусі, пасля абеду — пасяджэння Савета дзелавога супрацоўніцтва гандлёва-прамысловых палат Расіі і Беларусі.

На наступны дзень у рэжыме відэаканфэрэнцыі намеснік старшыні Савета Рэспублікі Анатоль Ісачанка і намеснік старшыні Савета Федэрацыі Юрый Вараб’ёў правядуць пасяджэнне Міжпарламенцкай камісіі па міжнародным супрацоўніцтве. У гэты ж дзень, 30 чэрвеня, у рамках форуму адбудзецца пасяджэнне савета дзелавога супрацоўніцтва таксама ў анлайн-фармаце. 

І, нарэшце, 1 ліпеня адбудзецца пленарнае пасяджэнне з удзелам кіраўнікоў органаў дзяржаўнай улады, міністэрстваў і ведамстваў, дзелавых колаў дзвюх дзяржаў. Беларускі бок на анлайн-сустрэчу выйдзе з малой залы Палаца Рэспублікі.

Як нагадалі ў прэс-службе верхняй палаты беларускага парламента, падчас работы форума будзе падпісаны шэраг пагадненняў аб супрацоўніцтве, кантрактаў паміж прадпрыемствамі Беларусі і Расіі.

Вольга АНУФРЫЕВА

Прэв'ю: sovrep.gov.by

Загаловак у газеце: У анлайн-фармаце

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.