Тэлеканал «Беларусь 3» запісаў канцэртную праграму з удзелам уладальнікаў Гран-пры і лаўрэатаў X Рэспубліканскага творчага радыёконкурсу «Маладыя таленты Беларусі». У эфіры прэм'ера адбудзецца 3 і 4 ліпеня.
Пераможцы юбілейнага праекта Першага нацыянальнага канала Беларускага радыё ўжо выступілі з вялікім гала-канцэртам на FM-хвалях, а цяпер новыя маладыя таленты нашай краіны стануць пачэснымі гасцямі эфіру сацыякультурнага тэлеканала.
Лаўрэаты намінацый «Інструментальная музыка» і «Акадэмічны вакал» прадставяць свае конкурсныя творы пад акампанемент сімфанічнага аркестра Белтэлерадыёкампаніі пад кіраўніцтвам Аляксандра Сасноўскага, а пераможцы сольных і калектыўных намінацый «Эстрадны вакал» і «Спадчына», а таксама катэгорыі «Харавая творчасць» парадуюць гледачоў выкананнем найлепшых песенных работ праекта. Глядзіце гала-канцэрт лаўрэатаў радыёконкурсу «Маладыя таленты Беларусі» ў дзвюх частках у эфіры «Беларусь 3» у наступную суботу і нядзелю ў 13.40 і 13.45.
Алена ДРАПКО
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
