У Віцебскім абласным метадычным цэнтры народнай творчасці адкрылася выстава-конкурс народных інструментаў паўночнага рэгіёну «Чароўныя гукі майстэрства», перадае карэспандэнт БелТА.
Музычныя інструменты — яркая і самабытная з’ява ў культуры Беларусі. Нашы продкі выкарыстоўвалі іх не толькі на святы, але і ў паўсядзённым жыцці. На выставе можна ўбачыць больш за 100 народных інструментаў і мастацкіх работ, якія адлюстроўваюць альбо сам інструмент, альбо музыканта з ім.
З раёнаў Віцебскай вобласці прывезлі струнныя і духавыя, ударныя і мембранныя, а таксама самагучныя інструменты. Гэта цымбалы, ляскоткі, лыжкі, гуслі, скрыпкі, жалейкі, гусьлі, колавая ліра. Некаторыя экспанаты родам з XIX стагоддзя.
Таксама сёння ў цэнтры народнай творчасці адкрылася персанальная выстава «Час лялек» народнага майстра Беларусі з Лепеля Наталлі Петуховай. Яе калекцыя складаецца з 30 лялек, апранутых у народныя касцюмы з выкарыстаннем ручной вышыўкі, ткацтва, у тым ліку зробленага па аўтарскай тэхналогіі.
Вынікі творчага спаборніцтва «Чароўныя гукі майстэрства» падвядуць на «Славянскім базары». Абедзве выставы будуць працаваць да 19 ліпеня.
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
