Валанцёры прапанавалі моладзі далучыцца да праекту «Галасы вёсак, якія пайшлі»

Гомельскія валанцёры прапанавалі магілёўскай моладзі далучыцца да праекта «Галасы вёсак, якія пайшлі», паведамляе БелТА.

Такую ініцыятыву агучыў на агульнанацыянальным адкрытым дыялогу «Моладзь Беларусі: рэаліі і перспектывы» прадстаўнік Гомельскага педагагічнага каледжа імя Л.С. Выгоцкага. Валанцёры першаснай арганізацыі БРСМ рэалізавалі падобны праект у Веткаўскім раёне ў дзень 35-годдзя з дня катастрофы на Чарнобыльскай АЭС.

У красавіку гэтага года ў дзень памяці трагедыі заклалі яблыневы сад. На саджанцы прымацавалі шыльды з QR-кодамі, па якіх на любым гаджэце можна бачыць інфармацыю пра гісторыю і традыцыи таго ці іншага населенага пункта.

Ініцыятыву ўхвалілі і падтрымалі на розных узроўнях. «Гэта выдатная ідэя, якую неабходна ўвасобіць ў 2022 годзе», — падкрэсліў першы сакратар Цэнтральнага камітэта БРСМ, член Савета Рэспублікі Дзмітрый Варанюк. У наступным годзе два пацярпелых ад катастрофы на Чарнобыльскай АЭС рэгіёна аб’яднаюць намаганні для захавання памяці аб тых страшных падзеях.