Вы тут

Больш як 400 выпускнікоў Акадэміі МУС атрымалі лейтэнанцкія пагоны


Неўзабаве яны прыступяць да службы ў падраздзяленнях Міністэрства ўнутраных спраў, а таксама будуць служыць у інтарэсах іншых сілавых структур краіны.


— Усё сваё жыццё вы будзеце памятаць гады, якія правялі ў акадэміі, — віншуючы з заканчэннем установы і прысваеннем першага афіцэрскага звання, звярнуўся да выпускнікоў міністр унутраных спраў генерал-лейтэнант міліцыі Іван КУБРАКОЎ. — Менавіта тут зараджалася ваша сяброўства, вы даведаліся, што такое міліцэйскае братэрства, менавіта ў акадэміі вас навучылі той прафесіі, якая вам спатрэбіцца ў жыцці. Прафесарска-выкладчыцкі састаў даў неабходныя веды, якія спатрэбяцца пры выкананні службовых абавязкаў. Вам, маладым афіцэрам, неўзабаве прыйдзецца прымаць шматлікага роду рашэнні, ад якіх часта будзе залежыць лёс чалавека. Падчас такіх рашэнняў, кіруючыся нормамі права, не забывайцеся аб чалавечнасці — ніколі не праходзьце міма чужой бяды.

Як прызналася мама выпускніка Дзіяна Суліма, сёння вельмі хвалюючы дзень не толькі для ўсіх наваяўленых лейтэнантаў, але і для іх бацькоў. «Шэрагі праваахоўных органаў папаўняюцца юнымі афіцэрамі, якія будуць берагчы наш сон, стаяць на варце правапарадку, — гаворыць Дзіяна Суліма. — Менавіта тут, у Акадэміі МУС, імі пройдзены няпросты шлях, зроблена вялікая работа, пераадолены цяжкасці і нягоды курсанцкага жыцця. І вось перад намі — сапраўдныя афіцэры, якія не па чутках ведаюць, што такое афіцэрскі гонар і вернасць прысязе».

Як падзяліўся выпускнік Акадэміі МУС Андрэй Кайко, яны прайшлі нялёгкі шлях, перш чым запаветныя афіцэрскія пагоны ўпрыгожылі іх форму. «Прайшоўшы этап навучання, праявіўшы настойлівасць і вытрымку, мы дасягнулі пастаўленай мэты, — кажа юны афіцэр. — Усяго праз месяц, з прызначэннем на пасады супрацоўнікаў практычных падраздзяленняў, мы пераступім парог у новае, дарослае жыццё, прыступім да выканання службовых абавязкаў і паспрабуем усё зрабіць годна, бо ў акадэміі кожны атрымаў магчымасць стаць прафесіяналам, здольным якасна і эфектыўна выконваць любыя пастаўленыя задачы».

Застаецца спадзявацца, што неўзабаве сённяшнія выпускнікі стануць не толькі спецыялістамі ў галіне права, але і вернымі абаронцамі нашай Айчыны.

Вераніка КАНЮТА

Фо­та Свят­ла­ны МАС­ТЫ­КА.

Загаловак у газеце: У афіцэрскім страі... 

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.