Вы тут

Ваду ў Ляхавічах даюць па графіку


У гэтым раённым цэнтры Брэсцкай вобласці праблемы з забеспячэннем вадой гарадскіх жыхароў шматкватэрных дамоў пачаліся яшчэ ў панядзелак. Перыядычна знікала з кранаў спачатку халодная, а потым і гарачая вада.


У камунальнай службе горада паведамілі, што перабоі з вадой у горадзе звязаныя са спякотай. Папросту не хапае вады на водазаборы...

Як аказалася, з-за небывалай спякоты ў горадзе рэзка павялічылася спажыванне вады (перш за ўсё на паліў агародаў), і свідравіны проста не паспяваюць напаўняцца.

— Аб'ём вады, які людзі ўжываюць, перавышае той, які мы падымаем з артэзіянскіх свідравін, — растлумачылі ў службе, якая адказвае за пытанні водазабеспячэння і водаадвядзення ў горадзе. — Мы не паспяваем своечасова напоўніць чыстай вадой рэзервуар на станцыі абезжалезвання, у сувязі з гэтым усталявалі графік, па якім будзем уключаць ваду.

Па дадзеным графіку, які 24 чэрвеня апублікавалі на сайце Ляхавіцкага ЖКГ, ваду будуць уключаць тройчы ў дзень: з 6 да 8 раніцы, з 12 да 14 дня і ўвечары — з 17.30 да 23.00.

Таксама ўсе ахвотныя гараджане змогуць дадаткова пакінуць заяўку на падвоз вады. Папярэдне, ваду паводле графіку ў Ляхавічах будуць даваць да 27 чэрвеня. Як адзначаюць спецыялісты, адзіны спосаб не дапусціць падобныя перабоі з вадой у будучыні — павялічыць колькасць свідравін. Але гэта і доўга, і дорага. Таму пакуль гараджан просяць эканоміць ваду і, як мінімум, не паліваць агароды са шлангаў. А далей пойдуць дажджы, і праблема папросту вычарпаецца.

Сяргей КУРКАЧ

Загаловак у газеце: Абяцаюць, што часова...

Выбар рэдакцыі

Грамадства

Персанальныя даныя: ведаць нельга распаўсюджваць

Персанальныя даныя: ведаць нельга распаўсюджваць

Каму, калі, што, дзе і як можа давяраць пра сябе сучасны чалавек.

Грамадства

Пуд солі. Ружовая, чорная або марская — чым яны адрозніваюцца?

Пуд солі. Ружовая, чорная або марская — чым яны адрозніваюцца?

Раней было прасцей: скончылася ў доме соль — ідзеш у краму і купляеш, і ўсё зразумела.

Эканоміка

Змены ў падатковы кодэкс. Хто заплаціць падатак на кватэру, а хто не?

Змены ў падатковы кодэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.