Вы тут

Удзел беларускіх вайскоўцаў у вучэнні «Славянскае братэрства — 2021» адзначаны высокай ацэнкай


Амаль на працягу месяца ваеннаслужачыя 103-й Віцебскай асобнай паветрана-дэсантнай брыгады сіл спецыяльных аперацый у набліжаных да рэальных умовах удасканальвалі сваё баявое майстэрства. Разам са сваімі калегамі з Расіі і Сербіі на палігонах Наварасійска вайскоўцы выконвалі задачы па барацьбе з тэрарызмам, дэсантаваліся парашутным і беспарашутным спосабамі, вялі дзённую і начную разведку, ажыццяўлялі штурмавыя дзеянні ў горна-лясістай мясцовасці, пераадольвалі водную перашкоду і знішчалі ўмоўных праціўнікаў.


Фота Алега НЯКАЛА, «Ваяр»

Акрамя таго, удзельнікі вучэння ўдасканальвалі майстэрства кіравання бронетранспарцёрамі БТР-80 па перасечанай мясцовасці і на плаву, а таксама вядзенне агню на плаву з узбраення баявых машын па шматлікіх цэлях. Асноўная мэта вучэнняў — узаемадзеянне воінскага кантынгенту Беларусі, Расіі і Сербіі ў барацьбе з незаконнымі ўзброенымі фарміраваннямі, у тым ліку ва ўмовах інфармацыйнага ўздзеяння, — была дасягнута.

Беларускі бок у вучэнні прадстаўляла звыш 200 ваеннаслужачых. Намеснік камандзіра разведвальна-дэсантнай роты па ідэалагічнай рабоце 103-й паветрана-дэсантнай брыгады Арцём Цырулік у падобных манеўрах удзельнічае не ўпершыню. Аднак «Славянскае братэрства — 2021», па яго словах, адрозніваецца ад папярэдніх вучэнняў. «Манеўры адбываліся
ва ўмовах нязвыклага для нас ландшафту: горы, яры, цясніны, — расказвае гвардыі старшы лейтэнант. — У Беларусі такой мясцовасці няма, таму для нас гэта каштоўны вопыт. Аднак чым больш складанымі былі задачы вучэння, тым цікавей іх было выконваць. Усе адзін аднаму дапамагалі, дзяліліся вопытам — для гэтага і арганізоўваюцца падобныя манеўры».

Камандзір аддзялення 103-й паветрана-дэсантнай брыгады Аляксандр Окунеў у вучэннях за межамі краіны быў упершыню. «Нягледзячы на анамальную спёку (больш чым 35 градусаў па Цэльсію), мы выканалі ўсе пастаўленыя задачы, — перакананы гвардыі сяржант. — Хачу адзначыць зладжанасць — як паміж сабой, так і паміж вайскоўцамі з іншых краін. Згодна з Дагаворам аб калектыўнай бяспецы, у выпадку ваеннага канфлікту мы павінны разам змагацца з праціўнікам. І калі, не дай бог, гэты час настане, разам мы многае зможам».

Вераніка КАНЮТА

Загаловак у газеце: На варце бяспекі

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.