Вы тут

Экспазіцыю «Цягніка Перамогі» наведала старшыня Савета Рэспублікі Наталля Качанава


Гэтаму ўнікальнаму музейнаму праекту трэба абавязкова яшчэ раз пабываць у Беларусі, пераканана спікер верхняй палаты парламента. Нагадаем, што музей на колах зрабіў другі раз прыпынак за гэтае лета ў беларускай сталіцы.


Пасля агляду экспазіцыі Наталля Качанава падзялілася з журналістамі ўражаннямі, якія яна атрымала падчас знаёмства з гэтым унікальным музеем на колах:

— Я шмат разоў сябе вяртала ў думках у падзеі тых гадоў. Ставіла сябе на месца тых людзей — і спрабавала зразумець, якія пачуцці яны пры гэтым адчувалі. І яшчэ, памятаю, мне вельмі хацелася апынуцца ў тым дні, калі скончылася вайна — 9 мая 1945 года. І вось сёння гэты ўнікальны музей вярнуў мяне ў той час і ў тыя падзеі, якія заўсёды былі ў нашым сэрцы, таму што мы выраслі з гэтым. І стрымаць свае эмоцыі ў ім было немагчыма.

Спікер верхняй палаты парламента пераканана ў вялікім выхаваўчым патэнцыяле праекта:

— Гэта тое, што сёння нам трэба — каб мы памяталі, якім коштам была здабытая Перамога, якімі неверагоднымі пакутамі. Памяталі, каб не дапусціць падобнага надалей. Гэта вельмі важна. І я вельмі ўдзячная кіраўніку гэтага праекта, удзячная расійскім сябрам за тое, што сёння гэты цягнік-музей — тут, у нас, на беларускай зямлі. Яшчэ ёсць шмат старонак у гісторыі Вялікай Айчыннай вайны, якія можна было б паказаць і ўвекавечыць для нашчадкаў. Я нізка кланяюся ўсім, хто прымаў удзел у арганізацыі гэтага праекта — і думаю, што гэтаму цягніку трэба яшчэ раз пабываць тут, у Беларусі, таму што вельмі шмат людзей хацелі б наведаць яго.

Адзначым, што праект «Цягнік Перамогі» рэалізуецца Беларускай чыгункай і ААТ «Расійскія чыгункі» ў рамках Года народнага адзінства і прымеркаваны да 80-годдзя пачатку Вялікай Айчыннай вайны. Ён ажыццяўляецца пры падтрымцы Адміністрацыі Прэзідэнта і актыўным садзейнічанні Рэспубліканскага валанцёрскага цэнтра.

Экспазіцыя за 20 дзён знаходжання ў Беларусі ўжо пабывала ў Оршы, Віцебску, Полацку, Гродне, Брэсце, Гомелі і Магілёве. З 11 па 13 чэрвеня яна знаходзілася ў Мінску. Але попыт быў настолькі высокі, што тады вырашылі падоўжыць час дэманстрацыі экспазіцыі «Цягніка Перамогі» яшчэ на два дні. І вось ён зноў зрабіў прыпынак у беларускай сталіцы. Цікавасць да праекта вельмі высокая з боку наведвальнікаў. У гэтым ёсць і вялікае выхаваўчае значэнне, асабліва калі сюды прыводзяць дзяцей. Напрыклад, жыхар сталіцы Яўген Сяроў прыйшоў на ўнікальную перасоўную экспазіцыю разам з 6-гадовым сынам Андрэем і аказаўся

25-тысячным беларускім экскурсантам. Юбілейны наведвальнік атрымаў ад арганізатараў праекта памятныя сертыфікат і падарункі.

Вольга АНУФРЫЕВА

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.