Вы тут

«Толькі агульнымі намаганнямі можна пераадолець наступствы пандэміі»


Дэпутаты Палаты прадстаўнікоў узялі ўдзел у глабальным семінары, арганізаваным міжпарламенцкім саюзам і Упраўленнем Вярхоўнага камісара ААН па правах чалавека «Аднаўленне пасля пандэміі COVІD-19 праз прызму правоў чалавека: які ўнёсак парламента?»


Парламентарыі розных краін, а іх удзельнічала каля сотні, абмяняліся перадавым нацыянальным вопытам з пункту погляду заканадаўства і іншай парламенцкай дзейнасці па прасоўванні правоў чалавека ва ўмовах барацьбы з пандэміяй, вызначылі меры, заснаваныя на міжнародных прынцыпах правоў чалавека для барацьбы з пандэміяй, а таксама пазнаёміліся са стратэгіямі аднаўлення пасля COVІD-19.

— Падчас сесій прысутныя, а гэта ўдзельнікі з самых розных краін свету, гаварылі пра тое, што ёсць сур'ёзныя абмежаванні правоў чалавека: лакдаўны, страта работы і сродкаў да існавання, — расказала намеснік старшыні Пастаяннай камісіі па правах чалавека, нацыянальных адносінах і сродках масавай інфармацыі Валянціна Ражанец. — Гаварылі пра тое, што мы просім людзей заставацца дома, але не ўсведамляем, што ёсць тыя, у каго няма дома, — і такая праблема існуе ў некаторых краінах. Казалі пра тое, што як пагроза прысутнічае голад. Выснова, якую можна зрабіць, — толькі агульнымі намаганнямі, ва ўзаемадзеянні можна пераадолець наступствы пандэміі COVІD-19. Трэба дазваляць людзям працаваць, дапамагаць знаходзіць работу. Разам з тым, што аказваецца бясплатная медыцынская дапамога, неабходна раздаваць бясплатнае харчаванне ў тых краінах, дзе найбольш востра стаіць такая праблема.

Досвед Беларусі, дзе не было лакдаўну, з разумнымі абмежаваннямі і магчымасцю атрымліваць медыцынскае абслугоўванне, бясплатную вакцыну, мець работу і зарабляць, аказаўся цікавым для парламентарыяў многіх краін. Падчас пандэміі дэпутаты аператыўна ўнеслі адпаведныя змяненні ў Працоўны кодэкс, якія замацавалі паняцце дыстанцыйнай работы, а таксама іншыя змены.

Алена КРАВЕЦ

Прэв’ю: pixabay.com

Выбар рэдакцыі

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер (абнаўляецца)

Крызіс на мяжы. Уся аператыўная інфармацыя на чацвер (абнаўляецца)

Аператыўная інфармацыя з беларуска-польскай мяжы.

Грамадства

Вольга Шпілеўская: Журналістыка — гэта маё жыццё!

Вольга Шпілеўская: Журналістыка — гэта маё жыццё!

Журналіст ўзначаліла прадстаўніцтва Міжнароднай тэлерадыёкампаніі «Мір» у нашай краіне.

Грамадства

«Чырвоная лінія» для дзвюх жанчын. Ці могуць свякрухі і нявесткі жыць дружна?

«Чырвоная лінія» для дзвюх жанчын. Ці могуць свякрухі і нявесткі жыць дружна?

Адносіны са сваёй маці і свякрухай — гэта дзве зусім розныя гісторыі.