Вы тут

Паўлінка і шлюбная ноч


Экранізацыі любімых твораў беларускіх класікаў зноў зможам убачыць у эфіры сацыякультурнага тэлеканала на наступным тыдні.


Народная камедыя «Паўлінка» ад рэжысёра Аляксандра Зархі будзе чакаць сустрэчы з гледачамі ў сераду, 7 ліпеня. Кінастужка стала экранізацыяй спектакля Нацыянальнага акадэмічнага тэатра імя Янкі Купалы па аднайменным творы беларускага пісьменніка Янкі Купалы (1912). Змест гэтага твора кожнаму з нас знаёмы са школьных гадоў, але ўсё ж нагадаем. Паўлінка, дачка заможнага селяніна Сцяпана Крыніцкага, і настаўнік Якім Сарока кахаюць адно аднаго.

Калі аднойчы пра гэта дазнаецца бацька дзяўчыны, то забараняе ёй бачыцца з маладым чалавекам. І каб разлучыць пару, ён ідзе з даносам у паліцыю: маўляў, у Якіма маецца забароненая літаратура. Паколькі Сцяпан Крыніцкі марыць парадніцца са шляхтай, то задумвае выдаць сваю дачку за знатнага жаніха — шляхціча Адольфа Быкоўскага. Але ж жаніх з «сюрпрызам», бо за кошт шлюбу жадае выправіць сваё незайздроснае матэрыяльнае становішча.
І ў выніку перад закаханымі паўстае пытанне: ці змірыцца, ці збегчы разам, як тое прапаноўвае Паўлінцы Якім? Выбар не з простых, але ж сэрца заўсёды ведае адказ.

У чацвер, 8 ліпеня, на экраны выйдзе псіхалагічная драма «Вясельная ноч». Фільм зняў на «Беларусьфільме» ў 1980 годзе рэжысёр Аляксандр Карпаў-старэйшы.

У аснову кінастужкі лягла аповесць Івана Шамякіна «Шлюбная ноч». ...Летам 1942 года, у першы раз ад пачатку вайны, Валя ўбачылася са Сцяпанам. Ён аказаўся тым самым чалавекам з гарадскога падполля, да якога яна прыйшла. Так аднавілася іх каханне. Каб трапіць у горад, гераіня нават спецыяльна выпрошвала для сябе небяспечныя заданні. Летам 1943 года партызаны і падпольшчыкі рыхтавалі сумесную аперацыю па бамбардзіроўцы чыгуначных шляхоў, каб не дазволіць немцам перагнаць пад Курск і Арол ваенныя эшалоны. Для каардынацыі дзеянняў з Вялікай зямлёй у атрад прылятае разведчыца Марыя. Але з моманту, калі Валя пазнаёміла Марыю са Сцяпанам, яна страціла спакой. А потым... трапіла на іх вяселле. Што кранае больш — драматычны фінал або ўменне герояў радавацца жыццю і каханню насуперак абставінам, кожны з нас няхай вырашыць для сябе сам.

Глядзіце і згадвайце любімыя творы, якія застаюцца заўсёды актуальнымі і не пакідаюць абыякавымі.

Алена ДРАПКО

Прэв’ю: pixabay.com

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.