Вы тут

Што трэба ведаць беларускім турыстам, якія сабраліся ў Грузію


Жадаючыя наведаць Грузію з 5 ліпеня 2021 г. павінны выканаць шэраг дадатковых умоў. Пра гэта паведамляюць «Мінск-Навіны» са спасылкай на прэс-службу аднаго з беларускіх тураператараў.


Турыстам, якія прайшлі вакцынацыю ад COVID-19, неабходна прадаставіць наступныя медыцынскія дакументы:

— пасведчанне аб вакцынацыі, якое пацвярджае праходжанне поўнага курса (дзве дозы, калі патрабуецца) любой вакцынацыі ад COVID-19 (на англійскай мове);

— медыцынскі сертыфікат аб адмоўным выніку ПЛР-тэсту на COVID-19, зробленым не раней чым за 72 гадзіны да прыбыцця.

— Такім пасажырам не трэба праходзіць паўторнае ПЛР-тэставанне ў Грузіі, — удакладніў тураператар. — Аднак пасажыры не павінны знаходзіцца ў Індыі на працягу апошніх 14 дзён.

Турысты, якія не прайшлі вакцынацыю ад COVID-19, павінны:

— прад’явіць медыцынскі сертыфікат аб адмоўным выніку ПЛР-тэсту на COVID-19, зробленым не раней чым за 72 гадзіны да прыбыцця (на англійскай мове);

— на трэці дзень знаходжання ў Грузіі прайсці паўторнае ПЛР-тэставанне за свой кошт (не трэба пасажырам, якiя прайшлi поўны курс вакцынацыі);

— да ўезду ў Грузію запоўніць спецыяльную форму заяўкі, паказаўшы гісторыю паездак за апошнія 14 дзён, кантактныя дадзеныя (адрас, нумар тэлефона, электронную пошту і т. д.).

Грамадзяне, якія не прад’явілі медыцынскі сертыфікат аб адмоўным выніку ПЛР-тэсту на COVID-19, падвяргаюцца 8-дзённай самаізаляцыі.

Ад запаўнення спецыяльнай формы заяўкі вызваляюцца:

— пасажыры з сертыфікатам пра вакцынацыю супраць COVID-19, які пацвярджае, што яны былі цалкам вакцынаваны, а таксама грамадзяне Грузіі.

ПЛР-тэст на COVID-19 не патрабуецца дзецям да 10 гадоў.

Нагадаем, Грузія з 1 ліпеня адмяніла каменданцкую гадзіну. Цяпер грамадзянам і гасцям гэтай краіны не трэба насіць маску на вуліцы. Яе трэба апранаць толькі ў транспарце і ў закрытых памяшканнях. Кіраўнік аператыўнага штаба міжведамаснага каардынацыйнага савета Грузіі Георгій Гібрадзе ўдакладніў, што рэстараны і забаўляльныя цэнтры будуць працаваць толькі да поўначы.

Раней каменданцкую гадзіну адмянілі ў Турцыі і Францыі, а ў Іспаніі дазволілі не насіць маскі на вуліцах. У Аўстрыі з 1 ліпеня адкрыліся начныя клубы, і ў грамадскіх месцах дазволена насіць звычайныя маскі замест масак FFP2.

Прэв’ю: pixabay.com

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.