Забарона на наведванне лясоў знялі на ўсёй тэрыторыі Беларусі

Забарону на наведванне лясоў знялі на ўсёй тэрыторыі Беларусі, паведамілі на сайце Міністэрства лясной гаспадаркі.

Рашэнні па ўвядзенні і зняцці забароны на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях. Абмежавальныя меры ўводзяцца ў выпадку высокага класа пажарнай небяспекі. Галоўная мэта забарон на наведванне лясоў — забеспячэнне бяспекі грамадзян, захаванасці іх маёмасці, а таксама ляснога фонду.

На сайце Міністэрства лясной гаспадаркі размешчана інтэрактыўная карта, з дапамогай якой можна аператыўна адсачыць, у якіх рэгіёнах часова забаронена наведваць лесу.

Прэв’ю: pixabay.com