Вы тут

Супергарачае лета ў разгары


Хтосьці не верыць у глабальнае пацяпленне? Хай выходзіць на вуліцу, пастаіць некалькі хвілін на сонейку, упэўнены — паверыць. І калі ў мінулыя гады пацяпленне ў асноўным выяўлялася зімой (зімы як такой не было), то цяпер, пасля нармальнай зімы, наце вам супергарачае лета.


Фота: pixabay.com

Таму ў нас і будзе да канца тыдня (ды і далей) прыпякаць не на жарт. Так, лета ў разгары, а гэта значыць, што высокімі тэмпературамі нікога не здзівіць. Да канца тыдня пры паступленні вельмі цёплага паветра з паўднёвых шырот у нашу краіну прынясе гарачае надвор'е. А пры павышаным фоне атмасфернага ціску верагоднасць ападкаў невялікая, толькі ў суботу ўдзень месцамі па захадзе Брэсцкай вобласці ў няўстойлівым паветры магчымыя кароткачасовыя дажджы, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Ужо сёння нам варта чакаць тэмпературнага максімуму тыдня. Ападкаў не будзе ўвогуле, а паветра прагрэецца да плюс 34 градусаў. У суботу, завяршаючы першую дэкаду ліпеня, прагназуецца пераважна без ападкаў, толькі ўдзень месцамі па захадзе Брэсцкай вобласці магчымы кароткачасовыя дажджы. Вецер будзе паўднёвы ўмераны. Тэмпература паветра ў начныя гадзіны складзе плюс 14—20 градусаў, у дзённыя — 28—34 градусаў са знакам плюс.

У нядзелю будзе таксама душна, як і ў суботу, толькі наогул без ападкаў. Вецер чакаецца няўстойлівы слабы да ўмеранага. Тэмпература паветра ўначы — ад плюс 15 цяпла да плюс 20 градусаў, удзень — усё тыя ж 28—34 спякоты.

Паводле папярэдніх прагнозаў айчынных сіноптыкаў, у пачатку наступнага тыдня гарачае надвор'е захаваецца. У няўстойлівай паветранай масе пры развіцці дажджавой воблачнасці чакаюцца лакальныя навальнічныя дажджы. Тэмпература паветра ўначы складзе плюс 15—22 градусы. Удзень паветра прагрэецца да 28—34 цяпла.

А вось у аўторак і сераду надвор'е будзе наогул дасягаць амаль афрыканскіх тэмператур. У гэтыя дні месцамі па краіне пройдуць кароткачасовыя дажджы, навальніцы. Тэмпература паветра ўначы складзе ўжо плюс 15—22 (!) градусы, днём будзе 28—34 цяпла, у асобных раёнах да плюс 35 цяпла.

Сяргей КУРКАЧ

Загаловак у газеце: Не проста сярэдзіна лета...

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.