Вы тут

Выстава неіснуючага андэграўнд-аб'яднання «Няміга-17» запрашае


Гэта выстаўка ў Рэспубліканскай мастацкай галерэі «Палац мастацтва» прыкметная тым, што дэманструе работы мастакоў ужо неіснуючага сёння аб'яднання, але вельмі значнага для сучаснага мастацтва Беларусі.


Трыццаць пяць гадоў таму нарадзілася «Няміга-17». Група творцаў выбрала для свайго згуртавання назву ракі, на берагах якой у 1067 годзе адбылася гістарычная бітва між дружынамі полацкага і кіеўскага князёў. Гэтым заснавальнікі імкнуліся падкрэсліць сваю сувязь з каранямі нацыянальнай гісторыі і культуры. Сёння іх работы захоўваюць Нацыянальны мастацкі музей, Нацыянальны цэнтр сучасных мастацтваў, прыватныя калекцыі многіх краін. У час заснавання творчага аб'яднання мастакі абралі для сябе курс, які не супадаў з афіцыйнай філасофіяй мастацтва, але быў запатрабаваны часам. Згуртаванне неўзабаве стала папулярным і вызначаецца цяпер як знакавае для таго складанага пераломнага перыяду, яно зрабіла важкі ўклад у беларускае мастацтва ХХ—ХХІ стагоддзяў.

Наведвальнікі выставы маюць магчымасць убачыць у адзінай экспазіцыі творы выбітных айчынных майстроў: Галіны Гаравой, Тамары Сакаловай, Альгерда Малішэўскага, Алеся Цыркунова, Міколы Бушчыка, Сяргея Кірушчанкі, Леаніда Хобатава, Анатоля Кузняцова. Яны ў час стварэння аб'яднання не прынялі артадаксальнага разумення рэалізму і шукалі сваё месца ў кантэксце мастацтва, імкнучыся аднавіць творчы пошук айчынных мастакоў 1920-х гадоў. Гэтыя майстры стваралі падмурак, які з часам узмацнілі новыя ўдзельнікі «Нямігі-17». Два дзесяцігоддзі таму творчае аб'яднанне спыніла сваё існаванне, але пакінула на глебе беларускага мастацтва выдатнае творчае насенне.

Яўген ПЯСЕЦКІ

Фота аўтара.

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.