Вы тут

Валерый Міцкевіч: Супрацоўніцтва з Іранам — складнік шматвектарнай палітыкі Беларусі


Учора адбылася сустрэча намесніка старшыні Палаты прадстаўнікоў Нацыянальнага сходу Валерыя Міцкевіча з кіраўніком рабочай групы іранскага парламента па супрацоўніцтве з парламентам Беларусі Абальфазлам Амуі. Былі абмеркаваны актуальныя пытанні міжпарламенцкага ўзаемадзеяння, двухбаковага супрацоўніцтва ў галіне заканадаўства, культурна-гуманітарнай сферы, развіцця гандлёва-эканамічнага супрацоўніцтва ва ўмовах пандэміі, супрацьдзеяння санкцыйнай палітыцы.


Валерый Міцкевіч адзначыў, што ўзаемадзеянне з Тэгеранам з'яўляецца традыцыйным складнікам шматвектарнай палітыкі Беларусі.

— Як адзначыў кіраўнік нашай дзяржавы, свет не замыкаецца толькі на ЗША ці ЕС. Ключавой асаблівасцю Беларусі ў выбудоўванні адносін з іншымі дзяржавамі з'яўляецца тое, што мы ніколі не звяртаемся да нядобрасумленных метадаў: санкцыйнага прэсінгу ці абмежавальных мер. Мы надзейны, прадказальны партнёр у рамках ААН, руху недалучэння і іншых міжнародных арганізацый, — заявіў віцэ-спікер беларускага парламента.

Валерый Міцкевіч павіншаваў іранскіх парламентарыяў з нядаўнімі выбарамі прэзідэнта Ірана і пажадаў плёну новаму кіраўніцтву краіны і яго народу.

— Беларускія парламентарыі заўсёды цэняць сяброўскія сувязі з вашай цудоўнай краінай. І сустрэчы ў парламенцкім вымярэнні дазваляюць падтрымліваць узаемны давер і ўлічваць інтарэсы.

Абальфазл Амуі падкрэсліў, што група сяброўства іранскага парламента пачала свае візіты менавіта з паездкі ў Мінск.

— Я думаю, гэта добра дэманструе, якое значэнне для нас маюць адносіны з беларускім парламентам. Цяпер напружаная палітычная абстаноўка. Паміж Іранам і Беларуссю склалася гістарычнае сяброўства, але мы лічым, што ў цяперашняй сітуацыі, калі некаторыя краіны імкнуцца ўмешвацца ва ўнутраныя справы Беларусі і аказваць ціск, мы павінны ўзаемадзейнічаць яшчэ больш, чым раней. У палітычнай сферы ў нас добрае ўзаемадзеянне, але мы мусім больш папрацаваць у эканамічнай і гандлёвай сферах, — выказаў меркаванне Абальфазл Амуі.

Старшыня Пастаяннай камісіі па міжнародных справах Андрэй Савіных расказаў, што праграма візіту іранскай парламенцкай дэлегацыі ў Беларусь досыць насычаная і прадугледжвае як палітычныя, так і эканамічныя сустрэчы.

— Мы разлічваем, што іранская дэлегацыя наведае цікавыя аб'екты ў Беларусі, прамысловыя і будаўнічыя прадпрыемствы, каб убачыць патэнцыял краіны і тыя галіны, у якіх мы плануем развіваць узаемадзеянне, — расказаў Андрэй Савіных.

Ён падкрэсліў, што ў цяперашні час Іран аслаблены незаконнымі амерыканскімі санкцыямі. Але як толькі сітуацыя зменіцца, дадзеная краіна можа стаць вельмі сур'ёзным гандлёвым партнёрам. Яшчэ зусім нядаўна, у 2017 годзе, тавараабарот паміж Беларуссю і Іранам складаў 154 мільёны долараў. А летась — толькі 25 мільёнаў. Іран зацікаўлены ў набыванні прадукцыі беларускага машынабудавання, нафтахіміі, вялікай папулярнасцю карыстаецца беларуская касметыка.

— Іран — паўднёвая краіна, Беларусь — адносна паўночная, такім чынам эканомікі нашых краін натуральным чынам дапаўняюць адна адну. У нас добра развітае сельскагаспадарчае машынабудаванне і іншыя галіны, які цікавыя для Ірана. Калі такі негатыўны элемент, як знешнія санкцыі, будзе прыбраны, я прагназую кратнае павелічэнне тавараабароту, — рэзюмаваў Андрэй Савіных.

Падчас сустрэчы іранскія парламентарыі перадалі для кіраўніка Палаты прадстаўнікоў Уладзіміра Андрэйчанкі запрашэнне на ўдзел у цырымоніі інаўгурацыі прэзідэнта Ірана.

Алена КРАВЕЦ

Выбар рэдакцыі

Грамадства

Пакаленне Z рэальнага лесу баіцца?

Пакаленне Z рэальнага лесу баіцца?

Кожны грыб у рукі бяруць, ды не ўсякі ў кузаў кладуць.

Калейдаскоп

Усходні гараскоп на наступны тыдзень

Усходні гараскоп на наступны тыдзень

ЦЯЛЕЦ. Усё ідзе паспяхова, калі не лічыць адной зусім нязначнай, але вельмі непрыемнай штукі, і імя ёй — лянота. Калі пераадолееце яе, то ўсё ў вашым прафесійным жыцці будзе выдатна.

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС.