Вы тут

Ідзе пошук шляхоў медыйнага супрацоўніцтва


У Выдавецкім доме «Звязда» прайшла сустрэча з дарадцам Пасольства Рэспублікі Узбекістан у Рэспубліцы Беларусь Рахматулой НАЗАРАВЫМ.


Pixabay.com

Размова ішла пра двухбаковыя беларуска-узбекскія сувязі, пра тое, як народам нашых краін — Беларусі і Узбекістана данесці як мага болей інфармацыі пра сацыяльныя, эканамічныя, палітычныя прыярытэты развіцця нашых дзяржаў. Спадар Рахматула Назараў заўважыў, што літаральна ў разы павялічваецца з сёлетняга верасня колькасць узбекскіх студэнтаў у беларускіх ВНУ. Глеба пад такі ўсплёск зацікаўлення нашай сістэмай адукацыі рыхтавалася не адзін год. Паступова змены назіраліся на працягу апошніх двух-трох гадоў. Было праведзена нямала перамоў на гэтую тэму. «І калі яшчэ мы шырэй будзем інфармаваць ва Узбекістане пра Беларусь, жыццё ў вашай краіне, то, несумненна, зацікаўленні стануць яшчэ болей істотнымі», заўважыў Рахматула Джурабаевіч.

Традыцыйна ў апошнія гады пачалі складвацца добрыя адносіны паміж навукоўцамі, творчай інтэлігенцыяй Беларусі і Узбекістана. Па запрашэнню Міністэрства інфармацыі Рэспублікі Беларусь, Саюза пісьменнікаў Беларусі Мінск, Слонім, іншыя мясціны нашай краіны наведалі ўзбекскія пісьменнікі Рысалат Хайдарава, Сіражыддзін Сайід, Ахмаджон Мелібаеў і іншыя літаратары. У беларускіх літаратурна-мастацкіх перыядычных выданнях былі надрукаваны новыя пераклады твораў узбекскіх паэтаў на беларускую мову. Не так даўно пабачыла свет беларуская кніга Алішэра Наваі — класіка ўзбекскай літаратуры, аднаго з найболей яркіх прадстаўнікоў прыгожага пісьменства Усходу. Спадар Рахматула Назараў зазначыў, што гэтыя традыцыі будуць прадоўжаны. Дыпламат выклаў просьбу прадставіць сучасную паэзію Узбекістана ў пераўвасабленні на беларускую мову асобнай старонкай у газеце «Літаратура і мастацтва».

Таксама былі абмеркаваны пытанні аб тым, як данесці найболей аператыўна навіны з Беларусі ва Узбекістан, да ўзбекскага чытача.

Раман СЭРВАЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».