Вы тут

Аляксандр Лукашэнка: Калі вы хочаце, каб мы вам дапамагалі, так не накідвайце нам на шыю пятлю


Прэзідэнт Беларусі Аляксандр Лукашэнка даў інтэрв’ю тэлеканалу Sky News Arabia. У якасці інтэрв’юера выступіў галоўны рэдактар навін канала Імада аль-Атраш. Ён браў інтэрв’ю ў шэрагу вядомых палітычных і рэлігійных дзеячаў, уключаючы Папу Рымскага Францыска, прэм’ер-міністра Італіі Сільвіё Берлусконі, прэзідэнта Еўракамісіі Рамана Продзі. Тэлеканал Sky News Arabia — арабамоўны, кругласутачны навінны канал, перадачы якога транслююцца ў асноўным на Блізкі Усход і на Паўночную Афрыку. Штаб-кватэра Sky News Arabia размешчана ў свабоднай медыя-зоне Абу-Дабі.


Размова кіраўніка дзяржавы з журналістам Імад аль-Трашам працягвалася каля гадзіны. Яе асноўнымі тэмамі сталі экстранная пасадка самалёта Ryanair, адносіны з Захадам і ўплыў санкцый на беларускую эканоміку. Журналіста таксама цікавіла пытанне нелегальнай міграцыі і абвінавачанні ў адрас Беларусі. Таксама Імад аль-Атраш пацікавіўся, ці плануе Беларусь ўдзельнічаць у чарговай сесіі Генеральнай асамблеі ААН.

«Мы спакойна развіваемся»

Адказваючы на пытанне аб тым, як санкцыі паўплывалі на Беларусь, Аляксандр Лукашэнка адзначыў, што санкцыі — непрыемная справа для любой краіны. «Мы разумелі, што рана ці позна гэтыя санкцыі будуць уведзеныя супраць нашых асобных людзей, паўтары ці дзве сотні людзей, сапраўдных патрыётаў, якія кіруюць краінай і абараняюць яе. І супраць асноўных прадпрыемстваў. Для чаго? Для таго каб разбурыць эканоміку. Мы гэтага чакалі і рыхтаваліся да гэтага», — сказаў кіраўнік дзяржавы. Ён звярнуў увагу, што санкцыі не перашкодзілі развіццю краіны і росту эканомікі. Па яго словах, у выніку санкцый за першае паўгоддзе гэтага года прырост валавога ўнутранага прадукту ў Беларусі склаў 3,5 працэнта. Гэта больш, чым планавалася ў мінулым годзе.

«Яны ўвялі санкцыі супраць нашых прадпрыемстваў, але прадукцыю гэтых беларускіх прадпрыемстваў яны даўно на свой рынак не пускаюць. Вось і ўся дэмакратыя і міжнародны гандаль. Мы супрацоўнічаем і з вашым рэгіёнам, з Цэнтральнай Азіяй, галоўны наш партнёр — Расія. Таму мы спакойна развіваемся, глядзім, якую гадасць яны яшчэ могуць нам падкінуць і рыхтуемся да гэтага. Але пакуль плюс 3,5 % ВУП», — канставаў Аляксандр Лукашэнка. 

Трэба будзе дапамога — мы яе акажам 

Імад аль-Трашам папрасіў беларускага лідара пракаментаваць абвінавачанні ў адрас Беларусі ў спрыянні нелегальнай міграцыі ў Еўропу. На што Аляксандр Лукашэнка адказаў, што калі яны (літоўцы, палякі, немцы або французы) хочуць схаваць ісціну, то можна папракаць Беларусь у датычнасці да міграцыі. Ён параіў тым, хто хоча па-сапраўднаму змагацца супраць нелегальнай міграцыі і ўвесці яе ў нармальнае рэчышча, пачынаць з сябе. 

«Мы групоўкі людзей злачыннага характару ў Літве бачым. Мы бачым. А чаму яны гэтага не бачаць? Як толькі яны ліквідуюць гэтыя групоўкі, якія за грошы прывозяць у Літву нелегальных мігрантаў, нелегальная міграцыя ў Літву будзе ніжэй, чым у мінулым годзе, адзінкі будуць. Хай пачынаюць працаваць, калі ім трэба будзе дапамога — мы гэтую дапамогу ім акажам, але не бязвыплатна ўжо», — заявіў кіраўнік дзяржавы. 

Прэзідэнт Беларусі прывёў яшчэ адзін аргумент. «Яны ўвялі супраць нас санкцыі, яны пайшлі на ўдушэнне маёй краіны, на ўдушэнне майго народа. Як прэзідэнт гэтага народа, я павінен ацэньваючы сітуацыю рабіць пэўныя крокі, каб народ не ўдушылі, каб краіну не знішчылі. Прадпрымаючы супраць беларускага народа падобныя дзеянні, яны хочуць каб мы іх абаранялі ў гэтай сітуацыі. Па меншай меры, гэта дзіўна. Калі зыходзіць з чыста прагматычных пазіцый гэта каштуе вялізных грошай. Праца на мяжы і абарона ад наркотыкаў, нелегальных паставак зброі, нелегальнай міграцыі — гэта велізарныя грошы. Калі вы хочаце,каб мы вам дапамагалі, так не накідвайце нам на шыю пятлю», — падкрэсліў Аляксандр Лукашэнка.


Каментарый у тэму

Мая задача — задаваць пытанні і атрымліваць на іх адказы

Пасля інтэрв’ю з Прэзідэнтам Беларусі Імад Аль-Атраш падзяліўся сваімі ўражаннямі з беларускімі калегамі.

«Я хацеў бы адзначыць, што падзеі, якія адбываюцца ў Беларусі, цікавыя не толькі для гледачоў у нашай краіне. Наш канал вяшчае на шэраг дзяржаў, таму ўвесь свет і тэлегледачы ў розных краінах цікавяцца тым, што адбываецца ў вашай краіне, паколькі гэта міжнародны парадак дня.

Усе пытанні, якія я накіраваў беларускаму боку пры падрыхтоўцы да інтэрв’ю, усе яны былі захаваныя. Тыя пытанні, якія датычыліся ўнутранай абстаноўкі ў Беларусі, затрымання Рамана Пратасевіча — усе яны былі зададзены кіраўніку дзяржавы, і я атрымаў адказы на іх», — сказаў Імад Аль-Атраш.

Валерыя СЦЯЦКО

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.