Вы тут

Праз церні да… кнігі. Вынік працы двух братніх народаў


У Шчучынскай раённай бібліятэцы імя Цёткі адбылася прэзентацыя кнігі «Акрыленыя родным словам: «Ларыса Косач-Квітка (Леся Украінка) і Алаіза Пашкевіч (Цётка)», што днямі пабачыла свет у Выдавецкім доме «Звязда».


Іван Башняк і Алена Пасюта.

Зборнік выдадзены да 150-гадовага юбілею славутай прадстаўніцы ўкраінскага рамантызму і 145-годдзя з дня нараджэння беларускай паэтэсы і асветніцы.

У кнігу ўвайшлі матэрыялы, прысвечаныя дзвюм вядомым пісьменніцам, біяграфічныя звесткі і паэтычныя творы, прадстаўленыя на беларускай і ўкраінскай мовах. З літаратуразнаўчымі артыкуламі на яе старонках выступілі вядомыя навукоўцы Вячаслаў Рагойша і Іван Саверчанка. Ініцыятарамі выдання сталі Шчучынскі раённы выканаўчы камітэт і Пасольства Украіны ў Рэспубліцы Беларусь.

Намеснік старшыні Шчучынскага райвыканкама Алена Пасюта адзначыла, што выданне — вынік працы двух братніх народаў, якіх аб’ядноўвае шматвяковая гісторыя, культура, сяброўства. Аўтары і складальнікі кнігі расказалі пра гісторыю яе стварэння, свае творчыя пошукі і знаходкі. У імпрэзе прынялі ўдзел прадстаўнікі вядучых навуковых устаноў, бібліятэк краіны, Гродзенскага абласнога аддзялення Саюза пісьменнікаў Беларусі, Музея А. С. Пашкевіч (Цёткі), што знаходзіцца ў Астрынскай сярэдняй школе, якая таксама носіць імя пісьменніцы, Выдавецкага дома «Звязда» і аматары творчасці славутай зямлячкі.

— Пра гэтую кнігу мы, магчыма, яшчэ будзем гаварыць у Нацыянальнай бібліятэцы, Інстытуце літаратуры Акадэміі навук, Саюзе пісьменнікаў Беларусі, — выказаў спадзяванне першы сакратар Пасольства Украіны ў Рэспубліцы Беларусь Іван Башняк. — Як праз церні да зор ішлі дзве нашы вялікія паэтэсы, так праз церні мы прыйшлі да гэтай кнігі, якая стане зоркай у вялікім святкаванні юбілею АлаізыПашкевіч.

Аляксей ЦІМАФЕЕЎ

Фота Кастуся Дробава

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.