Вы тут

Чакаецца тыдзень кантрасных тэмператур, калі ўначы будзе холадна (да 8 цяпла)


Атмасферны фронт, які прынёс у ноч на панядзелак моцныя дажджы ў паўднёва-ўсходнюю частку нашай краіны, адсунуў гарачае надвор'е ў бок еўрапейскай тэрыторыі Расіі. Як той казаў, не было б тое, было б што другое, — і ў нашу краіну пачала паступаць паветраная маса з Балтыйскага мора. Пахаладае? Не зусім. На працягу гэтага тыдня захаваецца ўмерана цёплае надвор'е з тэмпературным фонам у асноўным у межах кліматычнай нормы, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: pixabay.com

А вось заўтра, у пачатку трэцяй дэкады, месцамі па краіне, а раніцай і ўдзень на большай частцы тэрыторыі Гродзенскай і Віцебскай абласцей пройдуць кароткачасовыя дажджы. У асобных раёнах магчымыя навальніцы. Вецер прагназуецца паўднёва-заходні ўмераны, пры навальніцах парывісты. Тэмпература паветра ўначы складзе ад плюс 11 градусаў да 18 градусаў вышэй за нуль. Удзень будзе дастаткова камфортна — ад плюс 20 да 27 градусаў цяпла.

Далей, у чацвер і пятніцу, нас чакаюць свежыя ночы. Неба будзе чыстае, і паветра стане хутка астываць. У чацвер чакаецца пераважна без ападкаў. Вецер прагназуецца паўночна-заходні, паўночны ўмераны. Тэмпература паветра ўначы складзе ад плюс 8 па поўначы да 16 градусаў вышэй за нуль па паўднёвым усходзе краіны. Удзень паветра будзе дастаткова хутка награвацца і стане ад 20 плюс да 26 градусаў.

Абсалютна свежае надвор'е чакаецца ў нас і ў пятніцу. Уначы будзе пераважна без ападкаў, а ўдзень месцамі па краіне пройдуць кароткачасовыя дажджы, магчымыя навальніцы. Тэмпература паветра ноччу складзе 8—15 градусаў вышэй за нуль, удзень — ад плюс 21 градуса да 28 цяпла.

Паводле папярэдніх прагнозаў айчынных спецыялістаў, у выхадныя, пачынаючы з паўднёва-заходніх раёнаў краіны, вецер зноў памяняе напрамак з паўночна-заходняга, паўночнага на паўднёва-заходні і паўднёвы. А гэта значыць, што тэмпературны фон пачне павышацца і ў дзённыя гадзіны, па паўднёвым захадзе, паветра прагрэецца да плюс 30 градусаў і нават больш.

Сяргей КУРКАЧ

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.