Вы тут

ДПК: Афіцыйнай рэакцыі ад Літвы наконт інцыдэнту з іракскімі мігрантамі няма


Літва ніяк афіцыйна не адрэагавала на інцыдэнт з іракскімі бежанцамі, паведаміў БелТА афіцыйны прадстаўнік Дзяржаўнага пагранічнага камітэта Антон Бычкоўскі.


Фота: ДПК.

«Афіцыйнай рэакцыі ад літоўскіх калег наконт інцыдэнту з пераходам беларускай граніцы іракскімі мігрантамі 18 ліпеня не паступала. У цэлым узаемадзеянне з Літвой па гэтых пытаннях складана назваць канструктыўным», — адзначыў ён.

Як паведамлялася раней, непасрэдна паблізу ад літоўскай граніцы беларускія пагранічнікі затрымалі тры групы незаконных мігрантаў, якія перайшлі граніцу з боку Літвы. Так, раніцай 18 ліпеня ваеннаслужачыя заставы «Геранёны» Лідскага пагранатрада выявілі групу з 14 грамадзян Ірака. На наступны дзень на гэтым жа ўчастку выяўлены яшчэ 7 змораных замежных грамадзян, якія прадставіліся грамадзянамі Ірака, а ў населеным пункце Клявіца яшчэ 5 чалавек — цяжарная жанчына ў шокавым стане, для якой неадкладна была выклікана хуткая дапамога, два мужчыны і двое дзяцей.

«Затрыманыя расказалі, што ў Літве знаходзіліся ў лагеры для бежанцаў. Паводле слоў грамадзян Ірака, супрацоўнікі Службы аховы дзяржаўнай граніцы пры МУС Літвы выклікалі іх на допыт і прымушалі даваць паказанні аб подкупе беларускіх пагранічнікаў за дапамогу ў парушэнні граніцы. Пры гэтым затрыманых не кармілі, не давалі піць, а „гутарка“ суправаджалася ўдарамі тэлескапічнай дубінкай, пра што сведчаць сінякі на розных частках цела замежных грамадзян. Адразу пасля допыту, як растлумачылі іракцы, праваахоўнікі прывезлі іх да дзяржаўнай граніцы і пад пагрозай прымянення зброі прымусілі пайсці на тэрыторыю Беларусі», — адзначылі ў ДПК.

Адзін з затрыманых на ўчастку пагранічнага паста «Клявіца» Смаргонскай пагранічнай групы таксама заявіў, што ўсе пяцёра з’яўляюцца грамадзянамі Ірака. На тэрыторыі Літвы яны былі спынены ўзброенымі людзьмі ў камуфліраванай форме. Парушальнікі аддалі ім свае пашпарты, але тыя не сталі правяраць дакументы, а парвалі і выкінулі іх. Затым грамадзян Ірака з прымяненнем фізічнага насілля выдварылі з тэрыторыі Літвы ў Беларусь.

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.