Вы тут

РУП «Белтэлекам» прадставіць платформу лічбавых камунікацый «Мой горад» на «Вішнёвым фестывалі»


У рамках «Вішнёвага фестывалю», які адбудзецца ў горадзе Глыбокае Віцебскай вобласці 22—24 ліпеня, пройдзе тэматычны дзень «Smart-вішня». У яго праграме — семінар «Разумныя гарады Беларусі — шляхі да развіцця», а таксама выстаўка-прэзентацыя «Касмічныя, авіяцыйныя і інфармацыйна-камунікацыйныя тэхналогіі для разумных гарадоў (рэгіёнаў)». Адна з самых чаканых падзей фестывалю — прэзентацыя платформы лічбавых камунікацый «Мой горад».


— Упершыню Міністэрства сувязі і інфарматызацыі сумесна з РУП «Белтэлекам» прадставілі мабільны дадатак «Мой горад» у лютым гэтага года, — распавяла вядучы спецыяліст аддзела стратэгічнага маркетынгу РУП «Белтэлекам» Наталля Падута. — Дадатак алічбоўвае асноўныя гарадскія паслугі для насельніцтва і бізнесу.

Стартавай пляцоўкай праекта ў лютым быў абраны Полацкі рэгіён. Сёння версія пад назвай «Мой Полацк» паспяхова пратэсціравана і стала інструментам камфортнага ўзаемадзеяння жыхароў з гарадской інфраструктурай. На чарзе — Глыбокае.

Рэалізацыя праекта «Разумныя гарады Беларусі» прадугледжвае комплекснае рэгіянальнае развіццё шляхам паслядоўнага і маштабнага ўкаранення і інтэграцыі лічбавых рашэнняў на аснове інфармацыйна-камунікацыйных тэхналогій. У хуткім часе будуць рэалізоўвацца праекты ўкаранення лічбавых платформаў разумных гарадоў і рэгіёнаў, якія павінны ахапіць патрэбнасці грамадзян і бізнесу. Мэта праекта «Мой горад» — павышэнне хуткасці і эфектыўнасці ўзаемадзеяння з гарадской экасістэмай пры дапамозе лічбавых тэхналогій.

Праект прадставіць гараджанам сучасны спосаб камунікацыі ў самых розных сферах — ад медыцыны і адукацыі да пакупак і вольнага часу. Дадатак, які будзе прэзентаваны жыхарам Глыбокага ў дні фестывалю і неўзабаве стане часткай штодзённага жыцця глыбаччан, аб'яднае ў сабе ўсе гарадскія сэрвісы. Ён дазволіць азнаёміцца з афішай культурных і спартыўных мерапрыемстваў, запісацца на прыём у дзяржаўныя ўстановы, удакладніць рэжым работы кафэ і рэстаранаў, выклікаць майстра з домакіраўніцтва і ўрача з паліклінікі. Усе гарадскія сэрвісы ў дадатку дзеляцца на два блокі: «Арганізацыі» (выканкам, банкі, установы аховы здароўя і адукацыі, спорт, транспарт, ЖКГ і г. д.) і «Адпачынак» (турызм, гандаль, кафэ і г. д.). У дадатку рэалізаваны тры модулі ўзаемадзеяння з карыстальнікам: анлайн-запіс, анлайн-дастаўка, анлайн-аплата. Запіс ва ўстанову, заказ століка, аплата білетаў або дастаўка тавараў — усё гэта неўзабаве стане даступна жыхарам Глыбокага з адной мабільнай праграмай. Рэсурс удалося зрабіць максімальна інфарматыўным, але пры гэтым простым і зручным, падкрэсліла суразмоўніца. Дадатак будзе даступны для ўстаноўкі на Androіd і іOS.

Аляксандра АНЦЭЛЕВІЧ

Прэв’ю: pixabay.com

Загаловак у газеце: Насустрач будучыні

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.