Амерыканскія хірургі ўпершыню правялі паспяховую трансплантацыю штучнага сэрца Aeson, распрацаванага французскай кампаніяй CARMAT. Штучнае сэрца мае дзве жалудачкавыя камеры і чатыры клапана як сапраўдны орган, паведамляе Лента.ру.
У штучным сэрцы, зробленым з біасумяшчальных матэрыялаў, у тым ліку з бычынай тканіны, выкарыстоўваецца камбінацыя датчыкаў і алгарытмаў, каб падтрымліваць тэмп сэрцабіцця і цыркуляцыю крыві па целе. Пацыентам стаў 39-гадовы Мэцью Мур з горада Шаллотт у Паўночнай Караліне. Першапачаткова ён павінен быў прайсці шунтаванне, аднак яго стан настолькі моцна пагоршыўся, што нават звычайная перасадка была рызыкоўнай.
Штучнае сэрца было распрацавана для таго, каб дапамагчы тым, чыё сэрца больш не можа перапампоўваць кроў праз абедзве камеры. Яно цалкам замяняе натуральнае сэрца, хоць яно не прызначана для пастаяннага выкарыстання, а, хутчэй, служыць часовым варыянтам на працягу каля шасці месяцаў да паўнавартаснай перасадкі сэрца.
FDA ухваліў выпрабаванне штучнага сэрца CARMAT ў ЗША, у якім будуць удзельнічаць дзесяць пацыентаў з тэрмінальнай стадыяй бівентрыкулярнай сардэчнай недастатковасці, каб ацаніць, ці можа распрацоўка Aeson падоўжыць жыццё да перасадкі сэрца. На дадзены момант Мэцью Мур павінен будзе насіць з сабой кантролер і камплект акумулятарных батарэй.
Прэв’ю: pixabay.com
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
