Вы тут

​Кацярына СЕРАФІНОВІЧ: Бумеранг з метадамі фашысцкіх карнікаў


Літва запусціла бумеранг, ужыўшы для вырашэння наспелага канфлікту метады фашысцкіх карнікаў. Такім меркаваннем падзялілася член Савета Рэспублікі Кацярына Серафіновіч.


Фота БелТА

— Літва ў роспачы. Не гатовая была краіна-суседка да наплыву мігрантаў. І да гэтага тут не асабліва цырымоніліся з бежанцамі — пабудавалі для іх палатачны лагер і па ўжо існуючай традыцыі пачалі вінаваціць ва ўсіх сваіх бедах Беларусь. Гэта, маўляў, беларускія ўлады і пагранічная служба вінаватыя ў літоўскіх праблемах, гэта яны не затрымліваюць мігрантаў, якія імкнуцца трапіць у Еўропу, якая, дарэчы, абяцала ім дапамогу і іншыя выгоды. А Беларусь ва ўмовах санкцыйнага ціску павінна забяспечваць бяспеку літоўскіх граніц за свой кошт? — прыводзіць меркаванне сенатара БелТА. — І мігрантаў вінаваціць няма за што: яны бягуць са спустошаных грамадзянскімі войнамі краін, ад голаду, беспрацоўя, бягуць з надзеяй на дапамогу і з марай на лепшае жыццё для сваіх дзяцей. На жаль, даводзіцца канстатаваць: Літва не справілася з сітуацыяй нават як перавалачны пункт для далейшага правядзення мігрантаў у краіны Еўропы. І тое вырашэнне наспелай праблемы, якое літоўцы прадэманстравалі ўсяму свету, беспрэцэдэнтнае па сваім цынізме.

Кацярына Серафіновіч нагадала, што амаль тры дзясяткі іракскіх нелегалаў (дзяцей, жанчын, сярод іх цяжарная) збівалі, не давалі ежы і вады, а ў выніку прывезлі на граніцу і прымусілі бегчы на беларускі бок, страляючы ўслед.

— Удумаемся: XXІ стагоддзе, апісаная сітуацыя адбываецца ў краіне, якая пафасна называе сябе еўрапейскай! Як такое магчыма?! Ёсць у тым, што адбываецца адно «але». Яно заключаецца ў менталітэце арабскага народа. Ва ўсходнім свеце беражліва ставяцца да сваіх жанчын, іх абарона — справа гонару мужчын. Пралічыліся літоўскія ўлады: адна справа — гадамі ствараць інфашум вакол Беларусі з нагоды АЭС, выдаваць фэйкі з розных прычын, іншая — страляць у мусульманскіх жанчын, іх дзяцей. Ёсць такі выраз: калі вы не верыце ў бумеранг, значыць, ён яшчэ да вас не даляцеў. Літва запусціла гэты бумеранг, ужыўшы для вырашэння наспелага канфлікту метады фашысцкіх карнікаў. Або ёсць мова дыпламатыі — Беларусь, нягледзячы на ўсе ціскі звонку, застаецца міралюбнай і адкрытай краінай, — падкрэсліла сенатар.

Паводле яе слоў, іракскіх мігрантаў, збітых і запалоханых, у Беларусі прынялі, забяспечылі ўсім неабходным, уключаючы медыцынскую дапамогу цяжарнай жанчыне.

— Краіна, якую абвінавачваюць у адсутнасці дэмакратычных правоў і свабод, дэманструе свету клопат пра людзей незалежна ад іх нацыянальнасці і веравызнання. Краіна, якая гучна крычыць аб сваёй дэмакратычнасці, распраўляецца з гэтымі людзьмі жорстка і беспрынцыпова... Праўда, цяпер маўчыць пра тое, чаму стаў магчымы такі інцыдэнт. Зразумела, Літва ў адчаі, аднак гэта не падстава вырашаць канфлікт з дапамогай нацысцкіх метадаў. Мабыць, літоўскія ўлады лічаць па-іншаму, — рэзюмавала Кацярына Серафіновіч.

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.