Анастасія Савасцёнак набрала 400 балаў з 400 магчымых.
Як расказалі ў прэс-службе БДУ, у «максімум» увайшлі вынікі ЦТ па беларускай і англійскай мовах, сярэдні бал атэстата і 100 балаў за перамогу на рэспубліканскай алімпіядзе па грамадазнаўстве. Такога поспеху дзяўчына дасягнула без падрыхтоўкі ў рэпетытараў. Займалася самастойна і наведвала факультатывы па профільных прадметах.
Насця ў гэтым годзе з адзнакай скончыла Ліцэй БДУ, з’яўляецца ўраджэнкай Жлобіна. У гэтым горадзе яна раней вучылася ў сярэдняй школе № 13 і гімназіі № 1. Падчас вучобы актыўна ўдзельнічала ў алімпіядах па англійскай мове, дзе займала прызавыя месцы.
Абсалютная рэкардсменка цяперашняй уступнай кампаніі падала дакументы на спецыяльнасць «міжнародныя адносіны». У будучыні плануе пабудаваць кар’еру дыпламата.
У гісторыі прыёмных кампаній у нашай краіне гэта другі выпадак максімальных балаў у абітурыента. Упершыню ў 2018 годзе 400 балаў набрала таксама цяперашняя студэнтка ФМА БДУ Анастасія Жаўнерык. Дзяўчына навучаецца зараз на чацвёртым курсе па спецыяльнасці «міжнародныя адносіны».
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
