Вы тут

Алімпіяда набірае абароты


Цікавасць да Алімпійскіх гульняў у Токіа павышаецца з кожным днём. Расказваем самыя цікавыя на сёння навіны.


Стральба з лука. Ганна Марусава, Карына Дзёмінская і Карына Казлоўская занялі чацвёртае месца ў камандных спаборніцтвах па стральбе з лука. Мацнейшыя за беларусак аказаліся толькі прадстаўніцы Рэспублікі Карэі, Расіі і Германіі. Трэнер дзяўчат Кацярына Цімафеева адзначыла, што вынікам задаволена. «Улічваючы, што наша зборная па стральбе з лука раней ніколі не выступала на Алімпіядзе ў камандным турніры, яе чацвёртае месца можна расцаніць як поспех. Так, хацелася б бачыць менавіта беларускіх дзяўчат на п'едэстале, каб у іх гонар іграў гімн, падымаўся наш сцяг. Але сёння немкі паказалі, што яны мацнейшыя. Задаволеная ўсімі сваімі спартсменкамі. Кожная з іх унесла пасільны ўклад у гэты вынік», — прыводзіць словы Кацярыны Цімафеевай прэс-служба Нацыянальнага алімпійскага камітэта.

Плаванне. У Токіа прайшлі фінальныя заплывы з удзелам беларускіх спартсменаў. Ілья Шымановіч на дыстанцыі 100 метраў брасам заняў восьмае месца. У вырашальным заплыве ён паказаў вынік 59,36 секунды. Для мужчынскага плавання ў Беларусі гэта найлепшы вынік на Гульнях за апошнія 20 гадоў. Настасся Шкурдай на дыстанцыі 100 метраў батэрфляем таксама стала восьмая ў фінале. Яе вынік — 57,05 секунды. Беларускія плыўцы працягнуць свае алімпійскія выступленні на іншых дыстанцыях.

Тэніс. Беларус Ягор Герасімаў (79-ы нумар сусветнага рэйтынгу) скончыў сваё алімпійскае выступленне ў матчы другога раўнда мужчынскага адзіночнага разраду. У дзвюх партыях ён уступіў італьянскаму тэнісісту Фабія Фан'іні (31-ы нумар) — 4:6, 6:7. Сустрэча працягвалася 1 гадзіну 45 хвілін. Арына Сабаленка прайграла Доне Векіч 6:4, 6:3, 7:6.

Расклад на 27 ліпеня. У аўторак працягнуць свае выступленні прадстаўнікі акадэмічнага веславання, стральбы з лука, тэніса, бокса, паруснага спорту. Марыя Мартынава і Юрый Шчэрбацэвіч выступяць у змешанай камандзе па стральбе. На розных дыстанцыях працягнуць выступаць і плыўцы — Ілья Шымановіч (200 м брас, заплывы), Настасся Шкурдай (100 м на спіне, фінал), Мікіта Цмыг (100 м на спіне, фінал), Аліна Змушка (100 м брас, фінал). Пазнаёмяцца з алімпійскім басейнам і беларускія плаўцы Арцём Мачэкін і Яўген Цуркін, якія пачнуць выступленне на 100 метрах вольным стылем. Арцём Мачэкін — выдатны прыклад таго, што таленавіты чалавек таленавіты ва ўсім. Падчас сваёй спартыўнай кар'еры ён не толькі паспеў выйграць шэраг спаборніцтваў і ўстанавіць новыя рэкорды, але і скончыць універсітэт у Швейцарыі па спецыяльнасці «Банкі і фінансы». За яго плячамі — работа ў Швейцарыі, Злучаных Штатах Амерыкі, супрацоўніцтва са знакамітымі трэнерамі. Яўген Цуркін — «майстар кароткай вады» ў Токіа выступае на трэціх у сваёй кар'еры Алімпійскіх гульнях.


Не адной алімпіядай

Нягледзячы на тое, што ўвесь сусветны спорт сёння сканцэнтраваны ў Токіа, за японскімі межамі таксама адбываюцца цікавыя спартыўныя падзеі.

Беларусы ў НХЛ

Драфт НХЛ. Нацыянальная хакейная ліга правяла традыцыйнае мерапрыемства — драфт НХЛ. Яго сутнасць заключаеццца ў перадачы правоў на маладых хакеістаў, якія адпавядаюць пэўным патрабаванням, прафесійным клубам Лігі. Сёлета былі выбраны тры беларускія гульцы: форвард Даніла Клімовіч, галкіпер Аляксей Коласаў і абаронца Дзмітрый Кузьмін.

І за гэты вынік я хачу падзякаваць не толькі самім хлопцам, але і трэнерам, якія працавалі з імі ў мінулыя гады, кіраўнікам школ, якія стараліся забяспечыць іх усім неабходным, у тым ліку міжнароднай спаборніцкай практыкай, Мінспорту, БФСТ «Дынама», НАК Беларусі і прэзідэнцкаму спартыўнаму клубу, якія вылучаюць стыпендыі для маладых таленавітых атлетаў, прыватным спонсарам і мецэнатам, якія ўкладваць у развіццё хакея ў нашай краіне, і, вядома, кіраўніку дзяржавы за ўвагу, што аказваецца спорту, і прынятыя меры дзяржаўнай падтрымкі, накіраваныя на ўдасканаленне сістэмы падрыхтоўкі зусім юных і развіццё маладых спартсменаў», — пракаментаваў падзею старшыня Федэрацыі хакея Беларусі Дзмітрый Баскаў.

Кубак Выкліку

Нацыянальная мужчынская зборная па баскетболе U-20 — сярэбраны прызёр Еўрапейскага Кубка Выкліку. У фінальным матчы турніру беларусы перамаглі прадстаўнікоў Швейцарыі — 74:65. Найлепшымі гульцамі сустрэчы ў беларускай камандзе сталі Аляксей Навойчык, Данііл Барысевіч, Канстанцін Паско і Раман Гесць.

Ва­ле­рыя СЦЯЦ­КО

Прэв’ю: pixabay.com

Загаловак у газеце: Няўдачы ў плаванні і сенсацыя ў стральбе з лука — Алімпіяда набірае абароты

Выбар рэдакцыі