У Салігорскім раёне ў лабавым сутыкненні двух аўтамабіляў загінуў пасажыр. Пра гэта БелТА паведамілі ва УДАІ УУС Мінскага аблвыканкама.
«Аварыя адбылася каля 20:10 на аўтадарозе Пагост — Салігорск. 34-гадовы салігарчанін, кіруючы аўтамабілем “Аўдзі-100” і рухаючыся з боку вёскі Пагост ў напрамку Салігорска паблізу аўтазаправачнай станцыі выехаў на паласу сустрэчнага руху, дзе здзейсніў лабавое сутыкненне з аўтамабілем “Лексус”, якім кіраваў 51-гадовы жыхар Салігорска. У выніку аўтааварыі 23-гадовы пасажыр “Аўдзі” загінуў на месцы ДТЗ, кіроўца з траўмамі шпіталізаваны», — распавялі ў ДАІ.
Абставіны ДТЗ высвятляюцца. У дачыненні да кіроўцы «Аўдзі» распачатая крымінальная справа па ч.2 арт.317 КК.
«Паважаныя вадзіцелі, будзьце ўважлівыя на дарозе, абдумвайце кожны свой манеўр, не перавышайце ўсталяванай хуткасці руху», — адзначылі ў ДАІ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.