Вы тут

Курсанты Акадэміі МУС паказалі сябе высакакласнымі спецыялістамі


Яшчэ будучы практыкантамі курсанты Акадэміі МУС сваімі ўчынкамі даказваюць, што недарэмна абралі прафесію праваахоўніка. Маладыя людзі нават не паспелі атрымаць афіцэрскія пагоны, а ўжо заслужылі аўтарытэт сярод калег і станоўчы водгук у кіраўніцтва органаў унутраных спраў. Кіраўнікі практычных падраздзяленняў на днях накіравалі начальніку галоўнай міліцэйскай ВНУ краіны адразу некалькі падзяк у адрас курсантаў, якія вызначыліся падчас пераддыпломнай практыкі.


 

 Данііл КУРАЧ

У прыватнасці, курсант 4-га курса факультэта міліцыі Данііл Курач у горадзе Любань па гарачых слядах устанавіў месцазнаходжанне злодзея. У міліцыю звярнуўся мясцовы жыхар, які паведаміў, што мужчына, які знаходзіўся ў яго кватэры, з кішэні курткі таемна скраў 100 долараў ЗША. Падчас правядзення пошукавых мерапрыемстваў, нягледзячы на маскіроўку і пераапрананне рабаўніка, Данііл Курач затрымаў зламысніка ў адным з двароў горада. Калі пачалі вывучаць асобу затрыманага, высвятлілася, што ў яго багатае крымінальнае мінулае: неаднаразовыя судзімасці за рабаўніцтва, крадзеж, хуліганства. Кіраўніцтва Любанскага РАУС ацаніла высокі прафесіяналізм і асабістую ініцыятыву маладога аператыўніка.

 Ілья АЎЧЫННІКАЎ

А чацвёртакурснік акадэміі Ілья Аўчыннікаў праходзіў пераддыпломную практыку ў падраздзяленні па наркакантролі і супрацьдзеянні гандлю людзьмі ў Брэсце. Падчас правядзення аператыўна-вышуковых мерапрыемстваў па выяўленні асоб, якія маюць дачыненне да незаконнага абароту наркатычных сродкаў, Ілья дзейнічаў аператыўна. Пры ўстанаўленні асобы кіроўцы падазронага таксі, калегі радавога міліцыі папрасілі таксіста прадставіцца і выйсці з аўтамабіля. Апошні патрабаванні міліцыянераў праігнараваў і завёў матор. Ілья Аўчыннікаў у мэтах папярэджання дзеянняў таксіста ўзяўся за ручку машыны, у выніку чаго пашкодзіў руку і нагу. Аднак гэта не перашкодзіла маладому спецыялісту сумесна са старэйшымі калегамі затрымаць правапарушальніка. Для прымусовага прыпынку транспартнага сродку праваахоўнікі вымушаны былі выкарыстаць табельную зброю. У выніку аўтамабіль быў дагледжаны: супрацоўнікі міліцыі выявілі ў ім скрутак неўсталяванага рэчыва белага колеру, які адправілі на экспертызу.

Алег ШЭЎЧЫК

Адзначыўся падчас пераддыпломнай практыкі і курсант факультэта міліцыі Алег Шэўчык. Малады чалавек праходзіў практыку ў крымінальным блоку Савецкага РАУС сталіцы. Да праваахоўнікаў звярнуўся грамадзянін, які паведаміў аб крадзяжы веласіпедаў. У ходзе аператыўна-вышуковых мерапрыемстваў Алег Шэўчык устанавіў асобу зламысніка. У выніку быў затрыманы серыйны грабежнік веласіпедаў — так пачынаючы аператыўнік у кароткі тэрмін раскрыў чатыры крадзяжы.

Такім чынам, ужо ў жніўні выпускнікі міліцэйскай ВНУ прыступяць да нясення службы на сваім першым працоўным месцы ў органах унутраных спраў. Як паказала іх практыка, многія з маладых людзей ужо з’яўляюцца высакакласнымі спецыялістамі, адданымі сваёй справе.

Вераніка КАНЮТА

Фота з асабістага архіва курсантаў

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.