Вы тут

Стагоддзе i пяць гадоў Васiля Мiчурына


Герою Савецкага Саюза Васiлю Мiчурыну ўчора споўнiлася 105 гадоў. Вiншавальнае пасланне i падарункi ад Прэзiдэнта Беларусi з нагоды выдатнага юбiлею ветэрану ўручыў начальнiк Генеральнага штаба Узброеных Сiл — першы намеснiк мiнiстра абароны генерал-маёр Вiктар Гулевiч, паведамляе БелТА.


Шматлiкiя вiншаваннi Васiль Сяргеевiч прымае сёння ў асноўным дыстанцыйна. Пасля паспяхова перанесенай аперацыi ветэран знаходзiцца ў доме-iнтэрнаце «Камфортнае жыццё», дзе яму забяспечаны пастаянны прафесiйны догляд.

Улiчваючы ўзрост, стан здароўя i эпiдэмiчную абстаноўку, маштабнага святкавання юбiляр не арганiзоўваў i гасцей не склiкаў. Але быў рады i расчулены, атрымаўшы ў свой дзень нараджэння асабiста ад начальнiка Генштаба вiншавальнае пасланне кiраўнiка дзяржавы, кветкi i падарункi.

«Вы маяк для ўсiх ваеннаслужачых, для ўсiх грамадзян нашай краiны, сiмвал мэтанакiраванасцi да абароны краiны, патрыятызму», — падкрэслiў Вiктар Гулевiч, вiншуючы Героя.

«Я жыву. I жыць хочацца», — з усмешкай сказаў гасцям Васiль Сяргеевiч.

Памочнiк мiнiстра абароны па iдэалагiчнай рабоце ва Узброеных Сiлах — начальнiк галоўнага ўпраўлення iдэалагiчнай работы Мiнiстэрства абароны Леанiд Касiнскi ў размове з журналiстамi расказаў, што для ваеннаслужачых, ды i для ўсёй краiны, Васiль Мiчурын — асоба без перабольшання легендарная: званне Героя Савецкага Саюза ён атрымаў у 24 гады ў Савецка-фiнляндскай вайне, прайшоў усю Вялiкую Айчынную вайну. «Цяжка знайсцi iншага такога легендарнага чалавека (у Беларусi. — Заўвага. БелТА)», — лiчыць Леанiд Касiнскi. У пасляваенны час Васiль Мiчурын разам з iншымi аднаўляў разбураную Беларусь, працаваў, гадаваў дзяцей, унукаў. «Мы часта сустракаемся з Васiлём Сяргеевiчам, i яшчэ лiтаральна два гады таму ён кожны вечар рабiў 30-40-хвілінныя шпацыры», — адзначыў прадстаўнiк Мiнабароны.

Мiнiстр працы i сацыяльнай абароны Iрына Касцевiч таксама была сярод тых, хто сёння прыехаў павiншаваць легендарнага ветэрана. У размове з журналiстамi яна звярнула ўвагу, што лiчыць Васiля Мiчурына двойчы Героем — за заслугi ў ваенны i ў мiрны час. «Гэты чалавек прайшоў дзве вайны, для нас ён узор мужнасцi i гераiзму, — сказала яна. — Ён усё сваё жыццё аднаўляў краiну пасля вайны, ён цудоўны бацька, дзядуля i прадзядуля, i ён наш доўгажыхар».

«Ён любiць жыццё, любiць краiну i людзей, якiя ў гэтай краiне. Яго пазiтыў, настрой i гумар пацвярджаюць, што кожнаму з нас сапраўды трэба арыентавацца на такога пазiтыўнага па жыццi чалавека», — дадала Iрына Касцевiч.

Яна падкрэслiла, што ў Беларусi на ўсiх узроўнях цэняць i шануюць ветэранаў Вялiкай Айчыннай вайны. «На жаль, iх з кожным годам усё менш, самым старэйшым — ужо за сто гадоў, самым маладым — за 90.

З боку дзяржавы iм аказваецца адпаведная значная падтрымка: бясплатнае лекавае забеспячэнне, санаторна-курортнае аздараўленне, пражыванне ў дамах-iнтэрнатах, — сказала мiнiстр. — Мерапрыемствы, якiя праводзяцца ў краiне, накiраваны на тое, каб аддаць данiну павагi тым людзям, якiя забяспечылi нам гэта шчаслiвае жыццё. I прыняты некалькi дзён таму ўказ кiраўнiка дзяржавы аб тым, што цяпер аднаразовая матэрыяльная дапамога будзе выплачвацца штогод ветэранам Вялiкай Айчыннай вайны i асобам, якiя пацярпелi ад наступстваў вайны, — гэта яшчэ адно пацвярджэнне, наколькi мы ўдзячны гэтым людзям за наша жыццё».

Як расказалi ў Мiнiстэрстве абароны, Васiль Мiчурын удзельнiчаў у Савецка-фiнляндскай i Вялiкай Айчыннай войнах з першага да апошняга iх дня.

Звання Героя Савецкага Саюза ўдастоены за подзвiг у баi на Карэльскiм перашыйку ў пачатку лютага 1940 года. Тады яму было 24 гады. У жнiўнi 1940-га ён стаў курсантам Мiнскага ваенна-палiтычнага вучылiшча. Вялiкая Айчынная вайна застала яго пад беларускай сталiцай. Франтавымi дарогамi, змагаючыся з ворагам, ён дайшоў да Чэхаславакii. Удзельнiчаў у абароне Мiнска, Магiлёва, браў Кёнiгсберг i Берлiн. Дарагой цаной далiся яму баявыя ўзнагароды — два ордэны Чырвонай Зоркi, ордэны Айчыннай вайны I i II ступенi, медаль «За баявыя заслугi» пры вызваленнi Гомеля i Слуцка, Баранавiч i Брэста. За вызваленне Варшавы i баi ва Усходняй Прусii ён атрымаў другi ордэн Айчыннай вайны II ступенi.

Сёння ў Беларусi засталiся два Героi Савецкага Саюза — Васiль Сяргеевiч Мiчурын i Iван Iльiч Кустаў

Фота: «Ваяр»

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Грамадства

Як партызаны за адну ноч знішчылі нямецкі гарнізон

Як партызаны за адну ноч знішчылі нямецкі гарнізон

22 чэрвеня 1943 года партызаны атрада «Бальшавік» здзейснілі нападзенне на фашысцкі гарнізон у былым саўгасе «Косіна».

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.