Вы тут

У Смаргоні мужчыне прадалі фальшывую бензапілу STІHL


Мужчына набыў бензапілу ў невядомага прадаўца непадалёк ад гандлёвага аб'екта. Думаў, што набывае электраінструмент папулярнага брэнда. Аб гэтым сведчыла і цана бензапілы — 600 рублёў. Але замест арыгінала мужчыне прадалі падробку.


Pixabay.com

На тавары значылася марка нямецкага брэнда STІHL. Пры гэтым рэч была без упакоўкі і якіх-небудзь таварасуправаджальных дакументаў. Тавар пакупніка задаволіў. Аднак праз некаторы час у яго ўзніклі сумненні наконт таго, ці з'яўляецца тавар арыгіналам.

Паколькі звязацца з прадаўцом не ўдалося, мужчына звярнуўся ў Смаргонскі РАУС. Каб устанавіць кошт тавару, была прызначана судовая таваразнаўчая экспертыза. Вынікі паказалі, што бензапіла не адносіцца да арыгінальных вырабаў адпаведнай маркі. Акрамя таго, адрозненне датычылася спосабу і месца нанясення маркіроўкі. Напрыклад, замест ціснення і палімерных уставак былі наклейкі, таксама адсутнічаў серыйны нумар пілы.

Згодна з вынікамі судовай экспертызы, рэальны кошт тавару ў два разы ніжэйшы за той, які заплаціў жыхар Смаргоні. Міліцыя праводзіць па дадзеным факце праверку.

Ва ўпраўленні ДКСЭ Гродзенскай вобласці раяць адмовіцца ад сумніўных пакупак у незнаёмых людзей, асабліва калі гаворка ідзе аб каштоўных рэчах. Іншым разам звычайнаму чалавеку складана адрозніць якасную падробку ад арыгінала. Калі ж хтосьці вырашыў сэканоміць і набыць тавар праз інтэрнэт, перад пакупкай варта азнаёміцца з характарыстыкай і прыкметамі арыгінальнага тавару і параўнаць іх з тымі, якія прапануе прадавец.

Маргарыта УШКЕВІЧ

 

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.