У Лельчыцкім раёне аўтазапраўшчык выкраў 300 л дызельнага паліва з АЗС сельгаспрадпрыемствы, паведамілі ў аддзяленні інфармацыі і грамадскіх сувязяў УУС Гомельскага аблвыканкама.
Участковым інспектарам паступіла інфармацыя, што ў 40-гадовага лесніка Данілевіцкага лясніцтва захоўваецца буйная партыя крадзенага дызельнага паліва. Звесткі пацвердзіліся: пры аглядзе падворка выявілі 300 л афарбаванай саляркі. «Як высветлілася, мужчына набыў салярку ў брыгадзіра-аўтазапраўшчыка ААТ „Новая Ніва“. Работнік сельгаспрадпрыемства цэнтралізавана атрымліваў паліва на АЗС і развозіў па іншых запраўках. У спакойныя месяцы рабіў 2-3 рэйсы, у пасяўную і ўборачную іх колькасць даходзіла да васьмі. Рэшткі паліва з цыстэрны пакідаў сабе. Затым прадаваў лесніку з разліку Br25 за 20 л, а летам — за Br30», — распавялі праваахоўнікі.
Па факце захоўвання афарбаванага нафтавага вадкага паліва ў дачыненні да лесніка складзены адміністрацыйны пратакол па арт. 13.23 КаАП. Санкцыі артыкула прадугледжваюць пакаранне ў выглядзе штрафу ў памеры ад 10 да 50 базавых велічынь (1 БВ — Br29). Дзеянням аўтазапраўшчыка будзе дадзена прававая ацэнка ў рамках крымінальна-працэсуальнага заканадаўства.
Фота УУС Гомельскага аблвыканкама
Мерапрыемства праводзіцца на добраахвотнай аснове.
Не выявіць ні секунды абыякавасці.