Вы тут

Праект TheatreHD прапануе пазнаёміцца с гучнымі сусветнымі прэм'ерамі ў «мертвы» сезон


Жнівень — складаны месяц для тых, хто сочыць за культурнымі падзеямі: «мертвы» сезон, у адпачынак сыходзяць і тыя, да каго ідзём адпачываць мы. Для тых жа, хто застаецца ў гэты час у Мінску, ёсць цудоўны варыянт, як правесці вольны час: праект TheatreHD ад Цэнтра «АРТ Карпарэйшн» прапануе пазнаёміцца с гучнымі сусветнымі прэм'ерамі і спектаклямі.


Фота: pixabay.com

Па-першае, варта звярнуць увагу на музычныя спектаклі. Напрыклад, аматары харэаграфіі ацэняць магчымасць далучыцца да гісторыі «Рускіх балетаў» Сяргея Дзягілева, якія ў пачатку мінулага стагоддзя скарылі Еўропу. Цікава таму, што з гэтай антрэпрызай супрацоўнічаў славуты мастак Леў Бакст, ураджэнец Гродна, які распрацоўваў касцюмы да шэрага спектакляў. Нездарма некалькі балетаў дзягілеўскай трупы былі адноўленыя на сцэне Нацыянальнага тэатра оперы і балета Беларусі. У прыватнасці, да балета пачатку ХХ стагоддзя мае піетэт Андрыс Ліепа, які дапамог беларускаму тэатру ўзбагаціць рэпертуар балетамі з адноўленай харэаграфіяй Міхаіла Фокіна. 1 жніўня ў сталічным кінатэатры «Цэнтральны» — адразу чатыры балеты той легендарнай трупы. І калі «Пятрушку» можна было паглядзець на сцэне ў Мінску, то цяпер дададзім уяўленне яшчэ пра тры з іх. «Прывід ружы» цікавы для нас не толькі харэаграфіяй Міхаіла Фокіна, але і тым, што дэкарацыі і касцюмы да пастаноўкі ствараў Леў Бакст, таксама як і да балета «Адпачынак фаўна пасля паўдня» на музыку Клода Дэбюсі, харэографам якога выступіў легендарны танцоўшчык Вацлаў Ніжынскі. А балет «Трохвуголка» з іспанскімі матывамі, адметны ўдзелам мастака Пабла Пікасо. Прыемны момант: калі хто не паспявае далучыцца да гісторыі сусветнага балета, то адбудзецца паўторны паказ «Рускіх балетаў» 29 жніўня ў «Falcon Club Буцік Кіно».

Таксама з балетнага: магчымасць паглядзець у VOKA Cіnema Sіlver Screen «Мэцью Борн: Лебядзінае возера» (7 жніўня). Далёкая ад класічнай версія балета Пятра Чайкоўскага ў інтэрпрытацыі Борна пра тое, ці магчыма ісці супраць зграі.

Але балет «Дзявятая Сімфонія Марыса Бежара» ў «Цэнтральным» 22 жніўня супакойвае жарсці: галоўны пасыл у тым, што ўсе людзі павінны стаць братамі. Складаная і маштабная пастаноўка, выкананне якой адбываецца ў Токіа на сцэне канцэртнай залы тэлекампаніі NHK.

Яшчэ адметнасць музычнай часткі паказаў TheatreHD — оперныя пастаноўкі да 100-годдзя Зальцбурскага фестывалю. Пачынаецца дадзеная частка таксама 1 жніўня ў «Falcon Club Буцік Кіно» аднаактовай операй Рыхарда Штрауса «Электра». Міф старажытнай Грэцыі, паводле якога Сафокл стварыў трагедыю, ажыў у гісторыі гераіні, якая сведчыць: жорсткасць спараджае жорсткасць. Электра пакутуе з-за забойства бацькі і гатовая помсціць уласнай маці. Не менш драматычная опера Р. Штрауса «Саламея», што звяртаецца да біблейскай гісторыі: забойства царом Ірадам прарока Іаана, які казаў праўду пра ўладара. Як трактаваў гэты сюжэт рэжысёр Рамэа Кастэлучы? Можна будзе даведацца ў канцы жніўня. А для аматараў нечага больш лёгкага для ўспрымання — опера Джаакіна Расіні «Італьянка ў Алжыры».

З опернай часткі варта звярнуць увагу на пастаноўку «Барыс Гадуноў» вядомага рэжысёра Іва Ван Ховэ (11 жніўня ў «Цэнтральным»). Улада і народ, злачынсва і пакаранне — ёсць пра што паразважаць паводле расійскай гісторыі, якая натхніла кампазітара Мадэста Мусаргскага.

А як жа драма, якая звычайна была галоўная ў праекце TheatreHD? Будуць сёлета і драматычныя спектаклі — пра некаторыя з іх варта расказаць асобна. А ўжо на наступным тыдні аматарам драмы варта не прапусціць паказ «Доктара Фаўста» паводле п'есы Крыстафера Марло ў пастаноўцы шэкспіраўскага «Глобуса» ( 4 жніўня ў VOKA Cіnema Sіlver Screen). Але ў той жа вечар «Falcon Club Буцік Кіно» прапануе сустрэчу «Франкенштэйн: Камбербэтч», звяртаючыся да спектакля Дэні Бойла пра тое, як чалавек можа стварыць жудасную істоту і... ператварыцца ў яе. Працяг тэмы — у сярэдзіне жніўня.

Ларыса ЦІМОШЫК

Загаловак у газеце: Глядзець на экране, разумець у жыцці

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.