У Маларыцкім раёне знайшлі жанчыну, якая згубілася ў лясным масіве

У Маларыцкім раёне знайшлі жанчыну, якая заблукала ў лясным масіве. Пра гэта паведамілі ў МНС.

Выратавальнікам 30 ліпеня ў 23:50 стала вядома, што ў лесе каля в. Мельнікі згубілася пенсіянерка. Як высветлілася, у гэты дзень каля 12:00 жанчына 1935 года нараджэння пайшла ў лес па ягады і не вярнулася. Мабільнага тэлефона пры ёй не было.

У пошуках былі задзейнічаныя работнікі МНС, РАУС, лясніцтва, пошукава-выратавальны атрад. Сёння ў 1:11 жанчыну знайшлі супрацоўнікі РАУС у лясным масіве. Медыцынская дапамога ёй не спатрэбілася.