Вы тут

Навукоўцы стварылі лічбавую мадэль для эфектыўнага маніторынгу Арктыкі


Навукоўцы Маскоўскага дзяржаўнага ўніверсітэта імя М.В.Ламаносава распрацавалі лічбавую мадэль Арктыкі, якая можа стаць асновай для адзінай сістэмы маніторынгу прыроднага асяроддзя і выкарыстання рэсурсаў рэгіёну. Пра гэта сёння ТАСС паведаміў супрацоўнік геаграфічнага факультэта МДУ Анатоль Косікаў.


Мадэль пры дапамозе матэматычных алгарытмаў і тэхналогій працы з вялікімі дадзенымі апрацоўвае інфармацыю лічбавых мадэляў рэльефу сушы, леднікоў і акіянічнага дна, дадзеныя дыстанцыйнага зандзіравання і іншую прасторавую інфармацыю з адкрытых крыніц.

«Прасторава-часовая мадэль Арктыкі ўяўляе сабой аб’ёмнае лічбавае адлюстраванне арктычнай прасторы вышэй 60-га градуса паўночнай шыраты, якое ўключае частку атмасферы, гідрасферы і літасферы. Яна акумулюе масіў вялікіх дадзеных і, забяспечваючы магчымасць адначасовага комплекснага аналізу ўсёй тоўшчы геаграфічнай абалонкі па велізарнаму ліку паказчыкаў, можа быць у будучыні выкарыстаная для вырашэння мноства найважнейшых задач і праблем Арктычнага рэгіёну», — сказаў Анатоль Косікаў.

Даследчык удакладніў, што лічбавая мадэль можа павысіць эфектыўнасць прыняцця рашэнняў у галіне геалагічных пошукаў, прыродакарыстання, а таксама пры далейшай распрацоўцы можа выкарыстоўвацца для аналізу і прагнозу развіцця надзвычайных сітуацый і экалагічных праблем у рэгіёне. Па шыраце ахопу і ступені дэталізацыі распрацоўка не мае аналагаў у свеце.

Даследаванне на пачатковым этапе было падтрымана агульным грантам Рускага геаграфічнага таварыства і Расійскага фонду фундаментальных даследаванняў.

Прэв’ю: pixabay.com

Выбар рэдакцыі

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам.