Вы тут

У гармоніі з навакольным светам


Выстаўка «Я буду маліцца і сэрцам, і думамі», прысвечаная рэлігійным матывам у творчасці Янкі Купалы і Якуба Коласа, адкрылася ў Дзяржаўным літаратурным музеі Янкі Купалы. Праект падрыхтаваны сумесна з Дзяржаўным літаратурна-мемарыяльным музеем Якуба Коласа.


Экспазіцыя знаёміць з творамі класікаў, у якіх спрадвечныя біблейскія гісторыі пераасэнсаваны ў рэаліях жыцця насельнікаў роднай зямлі. Наведвальнікі ўбачаць аўтографы Купалавых вершаў «На біблейныя матывы», «Усяночная», «Хрыстос Васкрос», «Памаліся», «Крыжы», «Вячэрняя малітва», «Прарок». Асаблівую вядомасць здабыў верш «Мая малітва»:

Я буду маліцца і сэрцам, і думамі,
Распетаю буду маліцца душой,
Каб чорныя долі з мяцеліцаў шумамі
Ўжо больш не шалелі над роднай зямлёй.

У творчасці Якуба Коласа Боская мудрасць адкрываецца ў гармоніі з навакольным светам. У паэме «Новая зямля», дзе распавядаецца пра жыццё працавітай сям’і, паказана, як хрысціянская традыцыя ўваходзіла ў паўсядзённы побыт чалавека. Прыгожа і з замілаваннем напісаны раздзелы «Раніца ў нядзельку», «Вялікдзень».

Паэма Якуба Коласа «Сымон-музыка» ў 1920—1930-я гады, як сцвярджаў сам аўтар, зазнала суровую крытыку з-за ўжывання слоў 
«Бог», «Божы», што адбілася на яе рэдагаванні. На выстаўцы прадстаўлена выданне паэмы без цэнзурных правак, ажыццёўленае ў 2018 годзе пры ўдзеле сына пісьменніка Міхася Канстанцінавіча Міцкевіча. Можна азнаёміцца і з рукапісным перакладам Святога Евангелля на беларускую мову, які зрабіў малодшы брат Якуба Коласа Міхась Міхайлавіч Міцкевіч.

Графічныя і жывапісныя работы Барыса Герлавана, Міхаіла Басалыгі, Васіля Шаранговіча, Георгія Паплаўскага, Алены Лось і Сяргея Давідовіча адлюстроўваюць асобы і творчасць нацыянальных класікаў.

Экспануюцца таксама рарытэты з прыватных калекцый, у тым ліку і каштоўныя памяткі з сямейнага архіва нашчадкаў Якуба Коласа.

Міра ІЎКОВІЧ

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.