Вы тут

Алімпійскі дзённік. Панядзелак — цяжкі дзень


Заключны тыдзень Алімійскіх гульняў для беларусаў пачынаецца з няўдач. Так, у фінале мы не ўбачым беларускіх малатабойцаў. Старшыня Беларускай федэрацыі лёгкай атлетыкі Іван Ціхан ў кваліфікацыі з вынікам 74 м 57 см паказаў 12-ы вынік і не прайшоў у наступную стадыю турніру. Глеб Дудараў з вынікам 71 м 60 см размясціўся на 14-й пазіцыі і таксама не выйшаў у фінал. Выніку 74 метры, паказанага Юрыем Васільчанкам хапіла на 7-е месца ў пратаколе, але не хапіла для фіналу.


Марына Літвінчук і Вольга Худэнка. Фота БелТА

Скончыла барацьбу за медалі ў жаночай барацьбе і Васіліса Марзалюк. У суцяшальным паядынку яна ўступіла кітаянцы Жоу Цян — 1:2.

У конным спорце Аляксандр Зелянко скончыў сваё выступленне на алімпіядзе. Паля кросу ў каня Карла-Грандэ пачаліся сур’ёзныя праблемы са здароўем.

Вяслярныя надзеі

Больш паспяхова сваё выступленне пачалі весляры на байдарках і каноэ. У бой уступілі беларускія лідары. Алег Юрэня ў адборачным заездзе на 1000 метраў фінішаваў першым і выйшаў у ½ фіналу. Алег Юрэня — адзін з тых спарстменаў, якому не ўдалося рэалізаваць свае планы ў Рыа, яму нават не далі шанцу там выступіць. Цяпер, пераадолеўшы тую гісторыю, і гадавы перанос алімпіяды, чэмпіён свету 2019 года рыхтуецца ўзяць рэванш у Токіа.

Высокі клас беларускага веславання пацвердзілі і Марына Літвінчук і Вольга Худэнка, у заездзе на 500 метраў у байдарцы-двойцы яны прыехалі да фінішу другімі і заехалі адразу ў ½ фіналу.

Юрый Шчэрбацэвіч выйшаў з кваліфікацыі ў васьмёрку лепшых стралкоў з малакалібернай вінтоўкі з трох становішачаў.

План на 2 жніўня

На 2 жніўня яшчэ запланаваныя спаборнцітвы сярод жанчын у скачках з шастом. Пакуль у гэтай дысцыпліне ў Беларусі няма роўных Ірыне Жук, якая б’е рэкорд за рэкордам. У пачатку сакавіка за адно выступленне Ірына двойчы перапісала асабісты і нацыянальны рэкорд у памяшканні. Спачатку ўзляцела на 4,68 метра, потым — 4,73. Ірына — першая сярод беларусаў заваявала медаль кантынентальнага першынства ў скачках з шастом.

Рыхтуюцца да свайго алімпійскага дэбюту і дзяўчаты-сінхраністкі. У Токіа будзе выступаць беларускі дуэт Дар’і Кулагінай і Васіліны Хандошка. Вядучы дуэт краіны супрацоўнічае з расійскімі трэнерамі Аленай Воранавай і Таццянай Данчанкай, якія рыхтуць алімпійскіх чэмпіёнак.

Васіліна Хандошка па праве лічыцца першапраходцам беларускага сінхроннага плавання. У 2016 годзе яна заваявала для краіны першую ўзнагароду міжнароднага старту. Яна таксама першая ў гісторыі беларускага сінхроннага плавання чэмпіёнка Еўропы сярод юніёраў у абавязковай праграме ў 2018 і 2019 гадах.

Дар’я Кулагіна родам з Расіі. Будучы членам расійскай юнацкай і юніёрскай каманды яна з 2014 па 2017 гады сабрала калекцыю медалёў з юніёрскіх першынстваў Еўропы, заваявала тры залатых медалі на І Еўрапейскіх гульнях у Баку. Дар’я і Васіліна сустрэліся ў клубе «Труд» у Маскве , дзе аказаліся разам у групе трэнера Алены Воранавай. І з 2019 года Дар’я Кулагіна афіцыйна выступае за Беларусь. Так склаўся самы паспяховы дуэт у гісторыі беларускага сінхроннага плавання.

Валерыя СЦЯЦКО

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.