Вы тут

У канцы гэтага тыдня сіноптыкі абяцаюць месцамі моцныя дажджы


Чакалі мы дажджу, чакалі — і дачакаліся. З першых дзён жніўня на тэрыторыю нашай краіны выйшаў актыўны паўднёвы цыклон, які прынёс у заходнія рэгіёны інтэнсіўныя ападкі. А ў паўночна-заходніх абласцях — ліўні і навальніцы. На працягу тыдня ў нас чакаецца цёплае і дажджлівае надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У сераду ўначы будзе пераважна без ападкаў, раніцай і ўдзень месцамі пройдуць кароткачасовыя дажджы, прагрымяць навальніцы. Вецер чакаецца няўстойлівы слабы да ўмеранага, пры навальніцах парывісты. Тэмпература паветра ўначы складзе плюс 8—13 градусаў. Удзень паветра прагрэецца ад 20 градусаў цяпла да 27.

Кароткачасовыя дажджы чакаюцца месцамі і ў чацвер. Вецер прагназуецца няўстойлівы слабы да ўмеранага, пры навальніцах парывісты. Тэмпература паветра ўначы складзе ад плюс 11 градусаў да 17. Удзень будзе 20—27 градусаў са знакам плюс.

Паводле папярэдніх прагнозаў айчынных сіноптыкаў, у пятніцу праз тэрыторыю Беларусі будзе перамяшчацца чарговая сістэма актыўных атмасферных франтоў. На большай частцы тэрыторыі краіны пройдуць кароткачасовыя дажджы. У асобных раёнах прагназуюцца моцныя дажджы, месцамі навальніцы. Тэмпература паветра ўначы складзе ад плюс 10 градусаў па поўначы да 18 цяпла па паўднёвым усходзе краіны. Удзень будзе плюс 18—25 градусаў, па паўднёвым усходзе 26—28 цяпла. Калі зазірнуць далей, то нашы спецыялісты прадказваюць у выхадныя ўмерана цёплае няўстойлівае надвор'е. У цэлым першая дэкада жніўня прагназуецца на 1—2 градусы цяплейшай за кліматычную норму. Падобна на тое, горача будзе і ў апошні месяц лета...

Сяргей КУРКАЧ

Прэв’ю: pixabay.com

Загаловак у газеце: Першая дэкада жніўня будзе на 1—2 градусы цяплейшая, чым звычайна

Выбар рэдакцыі

Грамадства

«Ніякія межы больш не падзеляць нашу родную зямельку — Беларусь»

«Ніякія межы больш не падзеляць нашу родную зямельку — Беларусь»

Менавіта гэтымі словамі нашы папярэднікі-«звяздоўцы» віталі 17 верасня 1939 года.

Грамадства

Мінск сустракае дзяцей з Данецкай вобласці

Мінск сустракае дзяцей з Данецкай вобласці

Дзеці з Данецкай вобласці прыехалі ў Беларусь на адпачынак і аздараўленне.