Вы тут

Аляксандр Лукашэнка: Гэта наша галоўная задача — захаваць людзей


Прэзідэнт Беларусі Аляксандр Лукашэнка прыняў з дакладам Міністра па надзвычайным сітуацыям Вадзіма Сіняўскага.


Прэзідэнт Беларусі Аляксандр Лукашэнка, дзяржаўны сакратар Савета бяспекі Аляксандр Вольфавіч, міністр па надзвычайных сітуацыях Беларусі Вадзім Сіняўскі.

Кіраўнік дзяржавы звярнуў увагу, што новым міністр МНС быў прызначаны зусім нядаўна — 11 сакавіка 2021 года. Аляксандр Лукашэнка пацікавіўся, якая сітуацыя ў Міністэрстве па надзвычайных сітуацыях, з пункту погляду міністра. Прэзідэнта цікавіла, якія недахопы бачыць міністр для ўдасканалення работы ведамства. Аляксандр Лукашэнка падкрэсліў, што на яго ўзроўні быў прыняты шэраг рашэнняў, у тым ліку па прапанове новага міністра, на падставе заключэння Дзяржсакратарыята, якія датычацца ўдасканалення структуры МНС.

«Мяне здзіўляе адзін факт — мы так перажываем за ковід, нас крытыкавалі і там, і тут. Але ў нас на вадзе патапіліся больш за 350 чалавек з пачатку года. 350 чалавек, больш за 80% з іх — у нецвярозым выглядзе пайшлі і патанулі. Можна было сказаць, самі вінаватыя. Але ёсць жа доля адказнасці і наша», — звярнуў увагу Прэзідэнт.

Кіраўнік дзяржавы таксама пацікавіўся, якая ў краіне абстаноўка з пажарамі. «Колькі людзей загінула, колькі выратавана. Гэта наша галоўная задача — захаваць людзей. І не нанесці шкоду эканоміцы, каб гэты ўрон быў самым мінімальным. Як у нас з пажаранай небяспекай. Я інфармаваны пра тое, што ў нас на поўдні тарфянікі гарэлі або гараць. Якая сітуацыя ў лясах і на тарфяніках», — запытаў Аляксандр Лукашэнка.

Таксама Прэзідэнт і міністр абмеркавалі шэраг жыццёвых пытанняў, якія існуюць у МНС. 

Міністр па надзвычайных сітуацыях Вадзім Сіняўскі далажыў Прэзідэнту, што за час свайго знаходжання на пасадзе паспеў аператыўна аб’ехаць усе абласныя ўпраўленні міністэрства па надзвычайных сітуацыях, асобныя органы і падраздзяленні, у тым ліку атрады і падраздзяленні, якія дыслакуюцца на буйных прамысловых прадпрыемствах.

«Штосутачна адпрацоўваем больш за 4 тысячы зваротаў грамадзян, усе атрымліваюць кваліфікаваную дапамогу. У бягучым годзе падраздзяленнямі МНС выратавана больш за 3 тысячы людзей, у тым ліку 96 дзяцей», — расказаў ён.


Каментарый у тэму

Пасля сустрэчы з Прэзідэнтам Вадзім Сіняўскі расказаў, аб чым канкрэтна ішла размова з кіраўніком дзяржавы.

Паводле слоў міністра, за першае паўгоддзе 2021 года на тэлефонныя лініі 101 і 112 у МНС паступіла 630 тыс. паведамленняў аб дапамозе. З іх амаль 60 тысяч аб пажарах і надзвычайных сітуацыях. Звыш 99 тыс. аб парушэннях умоў жыццядзейнасці насельніцтва. Каля 472 тыс. — па розных пытаннях аказання кансультатыўна-даведачнай дапамогі і псіхалагічнай падтрымкі. Усяго падраздзялення МНС па сігнале "Трывога«"выязджалі 33,7 тыс. разоў. У розных надзвычайных сітуацыях выратавана больш за 3 тыс. грамадзян.

«Чакаем запыту ад турэцкага боку»

Па словах міністра, асобна было даложана аб рабоце авіяцыі ў забеспячэнні бяспекі, у тым ліку і за межамі Беларусі. На дагаворнай аснове два верталёты Мі-8 тушаць пажары ў Турцыі. Да працы прыцягнутыя 13 супрацоўнікаў МНС. Вадзім Сіняўскі расказаў, што па просьбе турэцкага боку Беларусь можа накіраваць яшчэ адзін верталёт МІ-26Т для барацьбы з катастрофай.

«Судна ў спраўным стане, лётчыкі гатовыя да выканання задач па прызначэнні. Чакаем запыту ад турэцкага боку аб неабходнасці аказання практычнай дапамогі», — сказаў міністр.

«Асноўная прычына — асабістая бестурботнасць»

Асобна Вадзім Сіняўскі засяродзіўся на праблеме гібелі людзей на вадзе гэтым летам. «Асноўная прычына гібелі на вадзе — гэта асабістая бестурботнасць, злоўжыванне алкаголем падчас купання і купанне ў неўсталяваных месцах», — падкрэсліў міністр па надзвычайных сітуацыях. Вадзім Сіняўскі расказаў, што і МНС і Таварыства ратавання на водах, органы ўнутраных спраў і дзяржаўнай улады праводзяць шырокую інфармацыйную палітыку, каб звярнуць увагу грамадзян на праблему ў гэтай сферы. Аднак не ўсе прыслухоўваюцца да рэкамендацый.

«Мы вельмі актыўна выконваем функцыі па забеспячэнні бяспекі за кошт нашых баявых разлікаў: людзі нясуць службу па забеспячэнні бяспекі на пажарах, мы здымаем іх з нарадаў для таго, каб рэагаваць на сітуацыі на вадзе. У тым ліку адмысловымі атрадамі, як абласнымі, так і рэспубліканскім атрадам спецыяльнага прызначэння „Зубр“. Дадатковыя сілы і сродкі накіраваны, каб рэагаваць на выратаванне людзей», — расказаў кіраўнік ведамства.

Вадзім Сіняўскі расказаў журналістам пра сітуацыю з пажарнай небяспекай. «Рост пажараў — на 6%, гібель людзей — на жаль, на 9%. Загінулі 374 чалавекі на пажарах», — адзначыў міністр. Асноўная прычына гібелі людзей — бестурботнасць пры курэнні, невыкананне правілаў эксплуатацыі электрапрыбораў. Дзякуючы касмічнаму маніторынгу, узгаранні ў экасістэмах знізіліся больш чым у 2,5 раза. Непагашыным застаецца адзін пажар — на тарфянішчы ў Петрыкаўскім раёне. Плошча ўзгарання першапачаткова была каля 100 га, зараз ачаг складае 40 га. «Ён лакалізаваны, але праблема ў тым, што ён гарыць углыбіню», — растлумачыў Вадзім Сіняўскі.

Валерыя СЦЯЦКО

Фота БелТА

Выбар рэдакцыі

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.

Грамадства

Індыкатар жаночых праблем. Чаму ў дэкальтэ галоўнае не прыгажосць, а здароўе?

Індыкатар жаночых праблем. Чаму ў дэкальтэ галоўнае не прыгажосць, а здароўе?

Часта незразумелы «шарык» можа быць, напрыклад, фібрадэномай.

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.